Kólik salyǵyn joıý benzın baǵasyn kóterýdiń amaly emes pe – mınıstr jaýaby

Kólik salyǵyn arttyrý arqyly benzınniń baǵasyn kóterý kózdelip otyrǵan joq pa? Úkimet otyrysynan keıin ótken baspasóz máslıhatynda Ulttyq ekonomıka mınıstri Álibek Qýantyrovqa osyndaı suraq qoıyldy, dep habarlaıdy QazAqparat. 

«Salyqty qysqartý týraly aıtsaq, másele áli talqylanyp jatyr. Aıta ketý kerek, bul másele qoǵam tarapynan, kóligi bar, biraq ony paıdalanbaıtyn adamdardan túsken. Olar kóligin jıi qoldanbaıtyndyqtan, salyq tólegisi kelmeıdi.

Al benzın men dızel aktsızin kóterýdiń salyqty qysqartýmen baılanysyna kelsek, bir-birimen qatysy joq máseleler. Biz aktsız baǵasyn kólik salyǵyn qurtý úshin kóterip jatqan joqpyz. Aktsız onsyz da kóterilý kerek bolǵan. Eýrazııalyq eklonomıkalyq odaq elderiniń janarmaı naryǵymen bizdiń naryqty teńestirý úshen qajet bul», - degen mınıstr kórshi naryqtardaǵy baǵa aıyrmashylyǵyna toqtaldy.

«Mysaly, shekaralas Reseı men Qyrǵyzstandaǵy naryqpen aıyrmashylyq 50 paıyzdaı. Sondyqtan bizdiń janarmaı men benzın quny syrtqa shyǵarylyp jatyr. Osydan bizde tapshylyq paıda bolady», - dedi Álibek Qýantyrov.

Onyń aıtýynsha, kólik salyǵy boıynsha jeńildik alǵan azamattar benzındi burynǵydaı jeńildetilgen baǵamen satyp almaıtyn bolady.

«Bizde benzın aktsızi jyl saıyn birtindep 15-20 teńgege kóterilip keledi. Qandaı jaǵdaıda da 2024-2025 jyldary bul aktsız artady», - dedi mınıstr.