Memleket basshysy BUU sessııasynda Bıologııalyq qaýipsizdik jónindegi halyqaralyq agenttik qurýdy usyndy
Birikken Ulttar Uıymy Bas Assambleıasynyń 78-sessııasynda sóz sóılegen Prezıdent Qasym-Jomart Toqaev Bıologııalyq qaýipsizdik jónindegi halyqaralyq agenttik qurý bastamasyn kóterdi, dep habarlaıdy QazAqparat tilshisi.
«Óz kezeginde COVID-19 pandemııasynyń aýyr saldary bolashaq bıologııalyq qaýip-qaterler aldynda bizdiń dármensiz ekenimizdi kórsetip berdi. Qazaqstan Assambleıanyń Bas hatshysy men Tóraǵasyn Bıologııalyq qaýipsizdik jónindegi halyqaralyq agenttik qurý protsesin bastaýǵa úndeıdi», - dep usynys aıtty Prezıdent sessııanyń jalpy debatynda sóılegen sózinde.
Buǵan qosa Memleket basshysy BUU zalyna jınalǵan memleket basshylary adamzattyń bolashaǵyna jaýapty ekenin basa aıtty.
Sonymen qatar, Qasym-Jomart Toqaev qazirgi geosaıası jaǵdaılarǵa qaramastan bizdiń qoǵam men Úkimet Ádiletti Qazaqstan quryp jatqanyn atap ótti.
