Eńbek mınıstrligi suranysqa ıe mamandyqtar men qyzmetterdi atady

Eńbek mınıstrligi qazir naryq suranysyna ıe mamandyqtar men qyzmetterdi atady, dep habarlaıdy QazAqparat tilshisi.

«Bizde arnaıy ortalyq eńbek naryǵyna taldaý júrgizedi. Sonyń nátıjesinde aı saıyn el aýmaǵynda qandaı mamandyqtarǵa suranystyń bary anyqtalady. Qazir aldymen gýmanıtarlyq sala mamandyqtary, qyzmet kórsetý jáne IT mamandary suranysqa ıe. Biz 2030 jylǵa qaraı orta merzimge eńbek naryǵyna taldaý jasaımyz. Sol arqyly TOP-10 mamandyq ıesi anyqtalady», - dedi Eńbek jáne halyqty áleýmettik qorǵaý mınıstrliginiń baspasóz hatshysy Sáken Dildahmet Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, búginde jumys izdep, tabýdyń zamanaýı túrli ádisteri bar.

«Pandemııadan keıin jumys formattary ózgerdi. Mysaly, onlaın jumys, frılanser, jarty kúndik jumys, kýrerlik jáne taksı qyzmeti. Jyl sanap eńbek naryǵynyń aıasy keńeıip keledi», - deıdi ol.

Eńbek jáne halyqty áleýmettik qorǵaý birinshi vıtse-mınıstri Aqmádı Sarbasovtyń málimdeýinshe, ekonomıkanyń shamamen 8 salasyna baǵalaý júrgizildi.

Aıtýynsha, 200-ge jýyq jańa kásip, 100-ge jýyq transformatsııalaýshy kásip anyqtaldy. Sondaı-aq aldaǵy jyldary joǵalyp ketetin kásipter belgili boldy.