Qasym-Jomart Toqaev Zúlfııa Súleımenovany qabyldady
Qasym-Jomart Toqaev Qazaqstan Respýblıkasy Prezıdentiniń keńesshisi – Prezıdenttiń halyqaralyq ekologııalyq yntymaqtastyq jónindegi arnaýly ókili Zúlfııa Súleımenovany qabyldady, dep habarlady QazAqparat Aqordanyń baspasóz qyzmetine silteme jasap.
Kezdesý barysynda Memleket basshysy Arnaýly ókilge aldaǵy sharalarǵa, atap aıtqanda bıyl qarasha aıyna josparlanǵan klımattyń ózgerýi jónindegi BUU negizgi Konventsııasyna qatysýshy taraptardyń 28-konferentsııasyna jáne 2026 jyly BUU aıasynda ótetin Aımaqtyq klımattyq sammıtke daıyndyq jóninde birqatar naqty mindet júktedi.
Sondaı-aq Prezıdent sheteldik seriktestermen aradaǵy yqpaldastyqty, sonyń ishinde ekonomıkany dekarbonızatsııalaý jáne aýaǵa taralatyn metan mólsherin azaıtý baǵyttary boıynsha yntymaqtastyqty nyǵaıtý mańyzdy ekenin atap ótti.
