Almatylyqtar jezóksheler qyzmet kórsetetin prıtonǵa shaǵymdandy
Almatydaǵy «Atlant 2» kesheniniń turǵyndary jezóksheler prıtonyna shaǵymdandy, olar balalary úshin alańdaıdy, dep habarlaıdy QazAqparat tilshisi.
Áleýmettik jelide beınebaqylaý kameralaryna túsip qalǵan vıdeo paıda boldy. Kadrdan bir er adamnyń páterden qashyp shyqqanyn, onyń artynan eki áıeldiń qýǵanyn kórýge bolady.
«Atlant 2» turǵyn úı kesheninde jezóksheler prıtony paıda boldy. Balalarymyz ben qarttarymyzǵa qaýip tónip tur. Kún saıyn túnde "jeńgetaı" páterdi jalǵa beredi. Únemi tóbeles bolady. Úı turǵyndary únemi polıtsııaǵa habarlasady, biraq polıtseıler eshteńe istemeıdi. Burynǵy basqarýshy kompanııa shara qoldanbady», - deıdi turǵyndar.
Almaty polıtsııa departamenti atalǵan páter ıesin anyqtaǵanyn málimdedi.
«Páter ıesi 1987 jyly týǵan azamat QR ÁQBtK-niń 450-baby «Jezókshelik pen sýtenerlik úshin úı-jaılar berý» boıynsha ákimshilik jaýapqa tartyldy. Sonymen qatar, onymen aldaǵy ýaqytta qoǵamdyq tártipti buzýǵa jol bermeý jóninde túsindirme áńgime júrgizildi», - dep habarlady vedomstvonyń baspasóz qyzmetinen.
