Lıvııada narazy top qala meriniń úıin órtep jiberdi
Lıvııanyń Derna qalasynda ótken aptada bolǵan alapat sý tasqynyna baılanysty bılik tarapynan tıisti shara qabyldanbaǵandyqtan júzdegen narazylyq bildirýshi qala meriniń úıin órtep jiberdi, dep habarlaıdy QazAqparat VVS News basylymyna silteme jasap.
Dúısenbi kúni keshke sherýshiler qaladaǵy Sahaba meshitiniń aldyna jınalyp, Lıvııa úkimetiniń joǵary laýazymdy sheneýnikterin jumystan bosatýdy talap etken. Nátıjesinde Derna qalalyq keńesi tolyǵymen taratyldy.
Tozyǵy jetken eki bóget qulap, qalany sý basyp, 10 myńnan astam adam resmı túrde iz-túzsiz joǵalǵandar tizimine engizildi.
«BUU-nyń izdestirý-qutqarý toptary, jedel medıtsınalyq járdem brıgadalary Dernadaǵy qutqarý jumystaryn ary qaraı jalǵastyrady», - dedi uıym ókili.
Narazylyq bildirýshiler qala bıligi alda bolatyn jaýynnyń kóp mólsheri týraly eskertpegenin aıtady. Olar evakýatsııalaýǵa buıryq bermeı, úıde qalýǵa keńes bergen. Al resmı tulǵalar bul aqparatty joqqa shyǵarady.
Uzaq ýaqyt kóshbasshy bolǵan Mýammar Kaddafı ornynan qulaǵannan keıin bılik úshin kúreske ushyraǵan Lıvııada qazirgi ýaqytta eki úkimet bar: biri Trıpolıde jáne ekinshisi eldiń shyǵysyndaǵy áskerı qolbasshy general Halıfa Haftardyń qoldaýyndaǵy úkimet.
