20 qyrkúıek kúni Astanada ótetin mańyzdy is-sharalar ańdatpasy

«QazAqparat» halyqaralyq aqparat agenttigi 20 qyrkúıek kúni Astanada ótetin mádenı jáne qoǵamdyq mańyzy bar sharalar ańdatpasyn usynady.

9.30-da Qazmedıa ortalyǵynyń kontsert zalynda Astana Media Week - 2023 bastalady. Onda Qazaqstan men shetelden kelgen medıaındýstrııanyń jetekshi sarapshylary tez ózgeretin medıa orta kontekstinde dástúrli medıa aldynda turǵan ózekti syn-qaterlerdi talqylaıdy.

10.00-de Dostyq úıinde Qazaqstan halqy Assambleıasy «Etnosaralyq qatynastar salasyndaǵy memlekettik saıasattyń jaı-kúıi men perspektıvalary» taqyrybynda jalpy respýblıkalyq ǵylymı-praktıkalyq konferentsııa ótkizedi.

11.00-de Ana men bala ulttyq ǵylymı ortalyǵynda retınopatııany dıagnostıkalaýǵa arnalǵan jabdyqtar tapsyrylady.

12.00-de QR Prezıdenti janyndaǵy Ortalyq kommýnıkatsııalar qyzmetinde «Qazaqstandaǵy eńbek kúni» taqyrybymen baspasóz máslıhaty ótedi. Spıker: Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz

15.00-de QR Qarýly kúshteriniń Ulttyq áskerı-patrıottyq ortalyǵynda Qazaqstan halqynyń tilderi kúnine oraı «Til – tatýlyq tiregi» baıqaýy uıymdastyrylady.

15.00-de Parlament Májilisiniń jalpy otyrysy bastalady.

15.00-de Esil ózeniniń sol jaǵalaýyndaǵy aılaqta 2023 jylǵa arnalǵan balyq resýrstarynyń ósimin molaıtý jónindegi memlekettik tapsyrys sheńberinde Balyq sharýashylyǵy komıteti Esil ózenin balyqtandyrý boıynsha baspasóz týryn ótkizedi.

19.00-de Jas kórermenderdiń mýzykalyq teatrynda «Gaýhartas» mýzykalyq dramasy qoıylady.