Qazaqstan Jazýshylar odaǵy qytaı baspa kompanııasymen kelisimshart jasady

Qazaqstan Jazýshylar odaǵyna Phoenix Publishing & Media Group baspa dırektory Fan Mın, Phoenix Science press prezıdenti Fý Meı, «Tszıansý Fenıks» ádebıet jáne óner baspasynyń prezıdenti Chjan Tszaı Tszıan bastaǵan kompanııanyń birneshe ókili keldi, dep habarlaıdy QazAqparat.

Odaqtyń baspasóz qyzmetinen málim etkendeı, qonaqtardy Qazaqstan Jazýshylar odaǵy Basqarma tóraǵasynyń orynbasary Ǵalym Qalıbekuly qarsy alyp, Jazýshylar odaǵynyń tarıhymen, qazirgi atqaryp jatqan jumystary, keleshektegi josparlary jaıynda baıandap berdi.

Kezdesý barysynda, qonaqtar qytaı qalamgerleriniń «Altyn ózen» (Lý Mın), «Ballada» (Van ıAo), «Chjýngýantsýndaǵy sergeldeń» (Sıýı Tszechen), «Júregimniń mekeni – Dýnhýan» (Fan Tszınshı), «Bemba» (Lıý Lıanchen), «Meni umyt» (Sıýı Fen), «On myń qus uıasyna oralǵanda» (He Tszıanmın) atty kitaptaryn qazaq tiline aýdaryp, Qazaqstanda basyp shyǵarý, taratý jóninde usynysyn jetkizdi. Munan tys, ár jyly qazaqtyń bes, qytaıdyń bes qalamgeriniń shyǵarmalaryn eki elde jaryqqa shyǵaryp otyrýǵa ýaǵdalasty.

Aıta ketý kerek, Phoenix Publishing & Media Group – Qytaıdaǵy jahandyq reıtıngte 10-orynda turǵan eń iri baspa korporatsııasy.

Kezdesý sońynda Qazaqstan Jazýshylar odaǵy men Yilin Press Ltd kompanııasy 5 jyldyq yntymaqtastyq týraly kelisimshartqa qol qoıdy.