Sot Qaırat Boranbaevtyń jazasyn eki jylǵa qysqartty
«Astana qalasynyń qylmystyq ister jónindegi sot alqasy úkim shyǵardy. T. Januzaq QR Qylmystyq kodeksiniń 189-baby 2-tarmaǵynyń 4-bóligi jáne 55-babynyń 4-bóligine sáıkes kináli dep tanylyp, 5 jylǵa bas bostandyǵynan aıyrý jazasy taǵaıyndalsyn. Q. Boranbaev pen R. Nahanov QR Qylmystyq kodeksiniń 28-baby 5-bóligi, 189-baby 4-bóligi, Qylmystyq kodekstiń 2-tarmaǵy 218-baby 3-tarmaǵy boıynsha kináli dep tanylsyn. Olardyń múlikteri tárkilenip, árqaısysyna 6 jyl jaza taǵaıyndalsyn», - dedi sot kollegııasynyń tóraǵasy Aısulý Slambekova úkimdi oqı otyryp.
Odan bólek, sýdıa Qaırat Boranbaevqa berilgen memlekettik nagradalar men ataq-dárejelerden aıyrý týraly Prezıdentke usynys bildiriletinin aıtty.
«QR Qylmystyq kodeksi 58-babynyń 3-bóligi negizinde Q. Boranbaev pen R. Nahanovtyń múlikterin tárkilep, memlekettik qyzmette, sotta, jergilikti ózin-ózi basqarý organdarynda, QR Ulttyq bankinde, onyń vedomstvolarynda, retteý baqylaý jáne retteý jónindegi ýákiletti organdarda, Qarjy naryǵyn jáne qarjy uıymdaryn, memlekettik uıymdardy jáne kvazımemlekettik sektor sýbektilerin qadaǵalaý qyzmet atqarý quqyǵynan ómir boıy aıyra otyryp, 6 jylǵa bas bostandyǵynan aıyrý taǵaıyndalsyn», - dedi ol.
Eske salsaq, 2022 jyly 17 naýryzda sottyń sheshimimen Qaırat Boranbaev 2 aıǵa qamalǵan edi.
Keıin Qaırat Satybaldy men Qaırat Boranbaevtyń syrtqa zańsyz shyǵarylǵan aktıvteri qaıtaryla bastaǵany habarlandy.
Astanada Qaırat Boranbaevqa qatysty sot otyrysy byltyr 30 jeltoqsanda bastaldy.
28 naýryzda ótken sot otyrysynda prokýror Qaırat Boranbaevty 8 jylǵa bas bostandyǵynan aıyryp, múlkin tárkileýdi surady.
31 naýryz kúni Qaırat Boranbaev sot aldyndaǵy sońǵy sózin aıtqan edi.
Sot sheshimimen Qaırat Boranbaevqa 8 jylǵa bas bostandyǵynan aıyrý jazasy taǵaıyndaldy.
Keıin sot Qaırat Boranbaevtyń tergeý organdarymen mámilege kelýin qanaǵattandyrdy.
Kúni keshe Qaırat Boranbaevtyń quny 90 mlrd teńgeden asatyn aktıvterdi memleketke qaıtarǵany belgili boldy.
Búgin túske deıin bolǵan sot otyrysynda prokýror Qaırat Boranbaevqa 6 jyl berýdi suraǵan edi.
Odan bólek, Astana qalasynyń prokýratýrasy Qaırat Boranbaevpen protsestik kelisim jasaǵany belgili boldy.
