Elder arasyndaǵy daý: Úndistan Kanada azamattaryna vıza berýdi toqtatty
Úndistan Kanada azamattaryna vıza berýdi belgisiz merzimge toqtatty. Mundaı sheshim Kanadada «Halıstandy bosatý kúshteri» (KLF) sıkh separatıstik uıymynyń jetekshisi Hardıp Sıngh Nıdjar óltirilgennen keıin eki el qarym-qatynasynyń nasharlaýyna baılanysty qabyldandy. QazAqparat bul týraly Anadoly agenttigine silteme jasap habarlaıdy.
Kanadanyń vıza ortalyqtaryn basqaratyn BLS International Services kompanııasynyń saıtynda atalǵan sheshim týraly jazylǵan. Habarlamaǵa sáıkes, vıza berý 2023 jyldyń 21 qyrkúıeginen bastap «kelesi buıryq túskenshe» toqtatylady.
Úndistan bıliginiń ókili jergilikti BAQ-qa bergen suhbatynda bul aqparatty rastady. Alaıda Nıý-Delı bul qadamǵa qatysty pikir bildirmedi.
