–40 gradýsqa deıin aıaz: Qazaqstanda kún kúrt sýytady

ASTANA. KAZINFORM – 26 aqpanǵa arnalǵan aýa raıyna baılanysty elimizdiń barlyq óńirinde daýyldy eskertý jarııalandy, dep habarlaıdy Qazgıdromet RMK.

Abaı oblysynyń ortalyǵynda túnde jáne tańerteń tuman túsedi. Aıagóz aýdanynda soltústik-shyǵys jeli sekýndyna 15-20 metrge deıin kúsheıedi.

26 aqpanda Aqmola oblysynyń batysy men ońtústiginde shyǵys jeli 15-18 m/s jyldamdyqpen soǵady.

Aqtóbe oblysynyń qıyr ońtústiginde túnde qar jaýyp, burqasyn bolady. Oblystyń ońtústigi men ortalyǵynda shyǵystan, soltústik-shyǵystan jel 15-18 m/s ekpinmen soǵady.

Almaty oblysynyń soltústiginde túnde keı ýaqyttarda qalyń qar jaýady. Kúndiz oblystyń ońtústigi men taý bókterinde, taýly aýdandarynda keı ýaqytta qatty jaýyn-shashyn (kóktaıǵaq jańbyr, qar) túsedi. Soltústik, ońtústik, taý bókteri jáne taýly aımaqtarda tuman, kóktaıǵaq, jaıaý burqasyn kútiledi. Batystan soqqan jel sekýndyna 15-20 metrge deıin kúsheıip, keı tusta 24-29 m/s-qa jetedi.

Atyraý oblysynyń batysy men ońtústiginde túnde jáne tańerteń tuman túsedi.

Shyǵys Qazaqstan oblysynyń soltústigi men ońtústiginde túnde jáne tańerteń tuman bolady. Oblystyń soltústigi men shyǵysynda túnde aýa temperatýrasy – 40 gradýsqa deıin tómendep, qatty aıaz saqtalady.

Jambyl oblysynyń soltústigi men taýly aýdandarynda 26 aqpanǵa qaraǵan túni qalyń qar jaýady. Taýly óńirlerde burqasyn soǵady. Keı ýaqyttarda tuman men kóktaıǵaq kútiledi. Soltústik-shyǵys jeli ońtústik-batysqa aýysyp, oblystyń ońtústik-batysynda, soltústik-shyǵysynda jáne taýly aýdandarynda 15-20 m/s, ekpini 23-28 m/s bolady.

Jetisý oblysynyń shyǵysynda, ortalyǵynda jáne taýly aýdandarynda kúndiz keı ýaqytta qalyń qar jaýyp, kóktaıǵaq bolady. 26-27 aqpanda óńirde tuman túsedi. Soltústik-shyǵystan soqqan jel 15-20 m/s, ekpini 23-28 m/s-qa deıin jetedi.

Batys Qazaqstan oblysynyń batysy men ońtústiginde tuman túsedi.

Qaraǵandy oblysynyń ońtústiginde qar, burqasyn, kóktaıǵaq kútiledi. Oblystyń batysynda, soltústiginde jáne ońtústiginde tuman bolady. Soltústik-shyǵys jeli 15-20 m/s, keı ýaqytta 23-28 m/s-qa deıin kúsheıedi.

Qyzylorda oblysynda jaýyn-shashyn (qar, jańbyr) boljanady. Túnde oblystyń ortalyǵy men soltústiginde qatty jaýyn-shashyn bolady. Ortalyq, soltústik jáne ońtústik bólikterinde kóktaıǵaq, tuman, burqasyn kútiledi. Jel ońtústik-batystan soltústik-shyǵysqa aýysyp, túnde 15-20 m/s, oblystyń ortalyǵy men shyǵysynda 23-28 m/s-qa deıin kúsheıedi. Kúndiz jel 15-20 m/s bolady.

Mańǵystaý oblysynyń soltústik-shyǵysy men ortalyǵynda túnde jáne tańerteń kóktaıǵaq pen tuman kútiledi.

Pavlodar oblysynyń batysynda, soltústiginde jáne ońtústiginde tuman túsedi.

Túrkistan oblysynda jaýyn-shashyn bolady, oblystyń batysynda, soltústiginde, ońtústiginde jáne taýly aımaqtarynda keı ýaqytta qatty jańbyr men qar jaýady. Ońtústiginde naızaǵaı kútiledi. Soltústik jáne taýly aýdandarda kóktaıǵaq, burqasyn bolady. Ońtústik-batystan soqqan jel 15-20 m/s, ekpini 23-28 m/s-qa jetedi. Kúndiz aýa temperatýrasy kúrt tómendep, +4…+9 gradýsqa deıin túsedi, soltústigi men taýly aımaqtarynda –2 gradýsqa deıin sýytady.

Ulytaý oblysynyń ońtústiginde túnde qar, burqasyn, kóktaıǵaq kútiledi. Kúndiz jaýyn-shashyn (qar, jańbyr) bolady. Soltústigi, shyǵysy jáne ońtústiginde tuman túsedi. Soltústik-shyǵys jeli 15-20 m/s, keı ýaqytta 23-28 m/s-qa deıin kúsheıedi.

Erteń elimizdiń úsh qalasynda oqýshylar qashyqtan bilim alady.