Samat Ábishke qatysty tergeý júrgizilip jatyr – Bas prokýratýra

Bas prokýratýranyń arnaıy prokýrorlary Ulttyq qaýipsizdik komıteti tóraǵasynyń burynǵy birinshi orynbasary Samat Ábishke qatysty «qańtar oqıǵalary» kezinde bılik pen laýazymdyq ókilettigin asyra paıdalaný faktisi boıynsha sotqa deıingi tergep-tekserý júrgizip jatyr, dep habarlaıdy QazAqparat.

Tergeý qupııa qujattamanyń edáýir kólemin zerdeleýmen baılanysty.

«QR QPK-niń 201-babyna sáıkes tergeý múddesinde sotqa deıingi tergep-tekserýdiń ózge de derekteri jarııa etilýge jatpaıdy», - dep jazylǵan Bas prokýratýra habarlamasynda.

Sonymen qatar qadaǵalaý vedomstvosy Konstıtýtsııa normalaryna sáıkes zań men sot aldynda bári teń ekenin atap ótti.
Tergeý qorytyndysy boıynsha zańdy is júrgizý sheshimi qabyldanatyn bolady.

Bul jaǵdaıdy Bas prokýratýranyń resmı ókili Darhan Dúısembaı da rastady.

«Samat Ábish Qazaqstanda. Onyń elden ketpeý týraly qolhaty bar. Qazir tergeý amaldary júrgizilip jatyr», – dedi ol.