Qyzylorda oblysynda óńirge qajet kómirdiń 34 paıyzy jetkizildi

Qyzylorda oblysy boıynsha aldaǵy jylý berý maýsymyna 238 myń tonna kómir qajet. Qazirge deıin oblysqa 80 myń tonna kómir jetkizildi. Bul shamamen 34 paıyzdy quraıdy, dep habarlaıdy QazAqparat tilshisi.

Oblystyq energetıka jáne turǵyn úı-kommýnaldyq sharýashylyq basqarmasynyń málimetinshe, jylý berý maýsymyna oblys boıynsha 238 myń tonna kómir qajet. Onyń ishinde turǵyndarǵa 205 myń tonna kerek bolsa, áleýmettik nysandar úshin 33 myń tonnaǵa suranys bar.

«Oblysqa kómirdiń jetkizý máselesi árbir aıǵa eseptelgen. Qyrkúıek aıyna josparlanǵan kólemi qoımaǵa jetkizildi. Qazir qolda 80 myń tonna kómir bar. Ol - shamamen jalpy mejeniń 34 paıyzy. Qazirge deıin turǵyndarǵa 70,1, áleýmettik nysandar úshin 9,9 myń tonna kómir jetkizildi. Olardyń baǵasy markasyna sáıkes bolyp otyr. Atalǵan qajettilik «Shubarkól», «Karajyra», «Bogatyr» kómir kenishinen jetkizilýde. Baǵasy 17-22,5 myń teńge aralyǵynda. Oblys ortalyǵynda kómir ortasha eseppen 18 myń teńge shamasynda satylýda. Oblys kóleminde 41 óńirlik operator (8 JShS pen 32 jeke kásipker) belgilengen. Olardyń 11 kómir qoımasy bar», - dedi oblystyq energetıka jáne turǵyn úı-kommýnaldyq sharýashylyq basqarmasynyń basshysy Bolatbek Ysmaǵulov.

Basqarma basshysynyń aıtýynsha, kómir máselesine baılanysty eshqandaı qıyndyq joq. Oǵan baılanysty arnaıy oryndarǵa baryp, kómirge tapsyrys berýine bolady.