-33°S-qa deıin aıaz: 10 naýryzda eldiń birneshe óńirinde kún kúrt sýytady

ASTANA. KAZINFORM — Sınoptıkter 10 naýryzda aýa raıyna baılanysty Qazaqstan boıynsha eskertý jasady, dep habarlaıdy «Qazgıdromet» RMK baspasóz qyzmeti.

Astanada 10 naýryzda ýaqytsha qar, boran, tuman kútiledi. Jel soltústik-batystan soǵady, ekpini 15–20 m/s, kúndiz keı jerlerde 23 m/s deıin jetedi.

Aqmola oblysynda qar, boran, túnde batysynda, kúndiz ońtústik-shyǵysynda qalyń qar jaýady. Batys, ońtústik, shyǵys aımaqtarda tuman kútiledi. Jel batystan, soltústik-batystan soǵady; túnde batysta, soltústikte jáne ońtústikte ekpini 15–20 m/s, kúndiz 15–20 m/s, keı jerlerde 23–28 m/s deıin barady. 10 naýryzda túnde aýa temperatýrasy 15–20°S aıazǵa deıin tómendeıdi, óńirdiń batysy men soltústiginde -25…-30°S, 11 naýryzda túnde batys pen soltústikte -22…-27°S, shyǵysta -30°S bolady.

Jetisý óńiriniń batys, ortalyq, taýly aýdandarynda tuman, kóktaıǵaq kútiledi. Jel ońtústik-batystan, shyǵysta, soltústikte jáne taýly aımaqtarda ekpini 15–20 m/s, Alakól kólderiniń mańynda keı jerlerde 23–28 m/s deıin jetýi yqtımal.

Túrkistan oblysynyń ońtústigi, taýly aımaqtarynda qatty jaýyn-shashyn (jańbyr, qar) kútiledi. Batys, soltústik, taýly aımaqtarda kóktaıǵaq, jaıaý burqasyn bolady. Batys, soltústik, ońtústik jáne taýly aımaqtarda tuman túsedi. Jel soltústik-batystan soǵady, batys, soltústik, ońtústik jáne taýly aımaqtarda ekpini 15–20 m/s, keı jerlerde 23–28 m/s deıin barady.

Almaty oblysynda jel ońtústik-batystan, keı jerlerde soltústik-batysqa aýysady; soltústik, ońtústik, shyǵys jáne taýly aımaqtarda ekpini 15–20 m/s, keı jerlerde 23–28 m/s jetedi, kúndiz ońtústik jáne shyǵys aımaqtarda 30 m/s jáne odan da joǵary bolady. Kúndiz ońtústik jáne taýly aımaqtarda qatty jaýyn-shashyn (jańbyr, qar) kútiledi. Túnde soltústik, ońtústik jáne taýly aımaqtarda, kúndiz oblys boıynsha kóktaıǵaq bolady. Soltústik, ońtústik jáne taýly aımaqtarda keı jerlerde tuman túsedi.

Pavlodar oblysynda qar, jaıaý burqasyn, kúndiz soltústik aımaqtarda qalyń qar jaýady. Batys, soltústik, shyǵys aımaqtarda tuman túsedi. Jel soltústik-batystan, túnde batys, soltústik jáne shyǵys aımaqtarda ekpini 15–20 m/s, kúndiz 15–20 m/s, keı jerlerde 23–28 m/s deıin barady. 10 naýryzda túnde temperatýra 7–12°S aıazǵa deıin tómendeıdi, batys pen soltústikte -15…-20°S, 11 naýryzda túnde -25…-30°S.

Abaı oblysynda jaýyn-shashyn (jańbyr, qar), kóktaıǵaq bolady. Kúndiz batys, soltústik jáne ortalyq aımaqtarda boran bolady. Soltústik jáne ońtústik aımaqtarda tuman túsedi. Jel ońtústik-batystan soǵady, kúndiz batys, soltústik jáne ortalyq aımaqtarda ekpini 15–20 m/s deıin jetedi.

Qostanaı oblysynda túnde jáne tańerteń shyǵysy men ońtústiginde qar, boran kútiledi. Batys, soltústik, ońtústik aımaqtarda tuman túsýi múmkin. Jel soltústik-batystan soǵady, shyǵysta jáne ońtústikte 15–20 m/s, keı jerlerde 23 m/s deıin uıytqıdy.

Qaraǵandy oblysynda túnde batys, ońtústik, shyǵysta qar jaýady, jaıaý burqasyn, kóktaıǵaq kútiledi; soltústiginde azdaǵan qar, jaıaý burqasyn, kóktaıǵaq; kúndiz qar, boran, kóktaıǵaq bolady. Soltústik, shyǵys, ońtústik aımaqtarda tuman. Jel ońtústik-batystan, batystan soǵady, túnde jáne kúndiz ekpini 15–20 m/s, keı jerlerde 23–28 m/s deıin barady.

Ulytaý oblysynda túnde qar, jaıaý burqasyn, kóktaıǵaq; kúndiz soltústik, shyǵys, ońtústikte qar, boran, kóktaıǵaq bolady. Shyǵys, ońtústik, ortalyq aımaqtarda tuman túsedi. Jel ońtústik-batystan, batystan soǵady, soltústik, ońtústik, shyǵys aımaqtarda 15–28 m/s deıin jetýi múmkin.

Atyraý oblysynda jel soltústik-batystan soǵady, keı jerlerde ońtústik-batysqa aýysady; túnde soltústik, ońtústik, shyǵys aımaqtarda ekpini 15–20 m/s deıin jetedi. 10 naýryzda túnde temperatýra 15–20°S aıazǵa deıin tómendeıdi, batys pen soltústikte -23°S deıin jetedi.

Mańǵystaý oblysynda túnde jáne tańerteń soltústik-shyǵysynda, ortalyq aımaqtarda kóktaıǵaq bolyp, tuman basady.

Batys Qazaqstan oblysynda kúndiz batys, soltústik, shyǵysta qar jaýyp, jaıaý burqasyn kútiledi. Jel soltústik-batystan soǵady, kúndiz batys, soltústik, ońtústik aımaqtarda ekpini 15–20 m/s deıin barady.

Soltústik Qazaqstan oblysynda túnde shyǵys aımaqta qar, jaıaý burqasyn bolady; batys, shyǵys aımaqtarda tuman túsedi. Jel batystan, soltústik-batystan soǵady, túnde shyǵysta ekpini 15–20 m/s, kúndiz 15–20 m/s, keı jerlerde 23–28 m/s deıin uıyqtıdy. Túnde temperatýra -25…-30°S, batys pen soltústikte -33°S bolady.

Aqtóbe oblysynda túnde qar jaýyp, jaıaý burqasyn bolady; ońtústik, shyǵys, ortalyq aımaqtarda qalyń qar jaýady. Jel soltústik-batystan soǵady, ońtústik, shyǵys, ortalyq aımaqtarda ekpini 15–20 m/s, keı jerlerde 23 m/s deıin jetedi. 10 naýryzda túnde temperatýra -23…-28°S, soltústikte -31°S deıin tómendeıdi.

Qyzylorda oblysynda túnde jáne tańerteń soltústik, shyǵys, ortalyq aımaqtarda qar jaýyp, kóktaıǵaq, boran bolady. Jel batystan 15–20 m/s jyldamdyqpen soǵady, túnde soltústikte ekpini 25 m/s deıin jetedi. Túnde temperatýra: soltústik, batys aımaqtarda -16…-21°S, ońtústiginde 2°S, 11 naýryzda túnde -10…-23°S.

Shyǵys Qazaqstan oblysynda jaýyn-shashyn (jańbyr, qar), kóktaıǵaq bolady; kúndiz soltústik aımaqtarda boran soǵady. Soltústik, shyǵys, ońtústik aımaqtarda tuman túsedi. Jel kúndiz soltústik-batystan 15–20 m/s deıin uıytqıdy.

Jambyl oblysynda túnde ońtústiginde, taýly aýdandarda, kúndiz taýly aýdandarda qatty jaýyn-shashyn (jańbyr, qar), taýly aımaqtarda jaıaý burqasyn bolady. Ońtústikte, taýly aımaqtarda tuman, kóktaıǵaq kútiledi.

Buǵan deıin 10 naýryzda Aqtóbe oblysynda aýa raıyna baılanysty óńirdegi barlyq bilim berý uıymdarynda birinshi aýysymnyń oqýshylary qashyqtan oqytý formatyna kóshiriletini habarlandy.