Semeı ormany rezervatynda barlyq jumysshynyń jalaqysy óspegen – Eńbek mınıstrligi jaýaby

Semeı ormany revervaty qyzmetkerleri men jumysshylarynyń jalaqysy teńdeı óspegen. Naqtyraq aıtqanda, ormanshylardyń jalaqysy artqanymen júrgizýshi, despetcher, jaldamaly jumysshylar eńbekaqysy sol kúıi qalǵan. Atalǵan másele boıynsha Eńbek mınıstrligi túsinik berdi, dep habarlaıdy QazAqparat tilshisi.

«Elimizde 1 mln 200 myń azamattyq sala jumysshysy bar. 2020 jyldan bastap (5 jyl boıy) olardyń aılyǵy kóbeıip keledi. Joǵaryda atalǵan 1 mln-nan astam azamattyq sala jumysshynyń ishinde 600 myńy orman salasynda eńbek etedi. Olardyń jalaqysy 4 jyldyń ishinde eki ret ósedi», - dep jaýap berdi Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov Ortalyq kommýnıkatsııalar qyzmeti alańynda ótken baspasóz máslıhatynda.

Birinshi vıtse-mınıstrdiń aıtýynsha, 600 myń azamattyq sala jumysshylardyń qatarynda ormanshylar men oǵan teńdes jumysshylar bar.

«Semeı ormanyndaǵy jaǵdaı boıynsha arnaıy jumys komıssııasy quryldy. Komıssııa máseleniń mán-jaıyn qarap, jumys berýshilerdi kináli dep tanyp, qazir is qaralyp jatyr. Jalaqyǵa kelsek, Iá, ormanshylardyń jalaqysy rasynda kóteildi, al basqa kategorııaǵa jatatyn jumysshylar boıynsha (júrgizýshi, despetcher, jaldamaly jumysshylar) búginde Ekologııa jáne tabıǵı resýrstar mınıstrligimen birlesken jumys júrip jatyr», - dedi Eńbek jáne halyqty áleýmettik qorǵaý komıtetiniń tóraǵasy Tólegen Ospanqulov.