«Barys» sapyna chehııalyq shabýylshy Rýdolf Chervenı qosyldy

Elordalyq «Barys» hokkeı klýbynyń quramyna chehııalyq shabýylshy Rýdolf Chervenı qosyldy. Kelisimshart 2024 jyldyń 30 sáýirine deıin jasalǵan, dep habarlaıdy QazAqparat tilshisi.

Hokkeıshi mansabynyń kóp bóligin Chehııa chempıonatynda ótkizgen. Ol Qurlyqtyq hokkeı lıgasyndaǵy alǵashqy oıynyn 2018 jyly Bratıslavanyń «Slovan» komandasy quramynda oınady. 2021/22 jyldar maýsymynda Latvııanyń «Dınamo» (Rıga) komandasynda namysyn qorǵady.

Ótken maýsymda hokkeıshi Vladıvostoktyń «Admıraly» quramynda oınap, 60 kezdesýde 20 (13+7) upaı oljalady. Pleı-offtyń 12 matchynda Chervenı 3 nátıjeli paspen kózge tústi. Ol astanalyq klýb sapyndaǵy alǵashqy jattyǵýyn ótkizdi.

«Barystyń» bas menedjeri Oleg Bolıakınniń aıtýynsha, Chervenı alǵashqy bestiktegi ortalyq shabýylshynyń ornyn basady.

Eske salsaq, 18 qyrkúıekte «Barys» elordada «Neftehımık» komandasyn iri eseppen jeńdi.