Qazaqstanda klınıkalyq beınelerdiń ortalyqtandyrylǵan ulttyq tsıfrlyq muraǵaty qurylýy yqtımal

Memleket basshysy GE Healthcare kompanııasynyń Eýropa, Taıaý Shyǵys jáne Afrıka boıynsha prezıdenti Rob Ýoltonmen kezdesti, dep habarlaıdy QazAqparat Aqordanyń baspasóz qyzmetine silteme jasap.

Kezdesý barysynda Qasym-Jomart Toqaevqa GE Healthcare kompanııasynyń elimizde ýltradybys apparattary óndirisiniń jergilikti úlesin arttyrý jáne aldaǵy ýaqytta kompıýterlik tomografııa, angıografııa jáne mammografııa qurylǵylaryn shyǵarý jospary týraly málimet berildi.

Prezıdent bul bastama otandyq dári-dármek pen medıtsınalyq tehnıka óndirisiniń úlesin 2025 jylǵa qaraı 50 paıyzǵa deıin arttyrý mindetine tolyqtaı saı keletinine nazar aýdardy.

Rob Ýolton Memleket basshysyna GE Healthcare kompanııasynyń Qazaqstanda klınıkalyq beınelerdiń ortalyqtandyrylǵan ulttyq tsıfrlyq muraǵatyn qurýǵa nıetti ekenin jetkizdi. Bul shara naýqastardyń málimetin basqarý isin ońtaılandyryp, nátıjesinde kórsetiletin qyzmet qunyn tómendetýge múmkindik beredi.

Sondaı-aq kompanııa Astana medıtsınalyq ýnıversıteti bazasynda GE Healthcare akademııasyn ashý arqyly densaýlyq saqtaý júıesi mamandarynyń biliktiligin arttyrýǵa arnalǵan bilim berý baǵdarlamasyn júzege asyrady. Oqý orny bıyl qazan aıynda qyzmetine tolyq kirisedi.

Memleket basshysy Qazaqstannyń densaýlyq saqtaý salasyna qatysty mańyzdy jobalar boıynsha GE kompanııasymen strategııalyq seriktestikke joǵary baǵa berdi.

Kezdesý aıasynda Qazaqstan Respýblıkasynyń Úkimeti men GE Healthcare arasynda GE Healthcare kompanııasynyń ınvestıtsııalyq jobasyn júzege asyrýǵa qatysty negizgi sharttar týraly negizdemelik kelisimge qol qoıyldy.

GE Healthsare kompanııasynyń álemniń 140-tan astam elinde ókildigi bar. 2022 jyly kompanııanyń taza tabysy – 19 mıllıard dollar. Al naryqtaǵy quny 34,5 mıllıard dollardy qurady.