SQO-da Lexus ZIL-men soqtyǵysyp, bir adam mert boldy
Soltústik Qazaqstan oblysynda halyqaralyq mańyzy bar "Chelıabi - Novosibir" avtojolynyń 520-shaqyrymynda "Lexus" pen "ZIL 131" kólikteri soqtyǵysty. Saldarynan bir adam qaza taýyp, taǵy biri jaraqattandy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, oqıǵa 17 qyrkúıek kúni saǵat 23.10 shamasynda Qyzyljar aýdany Peterfeld aýylynyń mańynda bolǵan. Jol apatynan "Lexus"-tiń 27 jastaǵy jolaýshysy oqıǵa ornynda qaza tapty. Osy avtokóliktiń salonynda bolǵan 56 jastaǵy er adam jaraqattanyp, medıtsına mekemesine jetkizildi.
"ZIL 131" avtokóliginiń 43 jastaǵy júrgizýshisinen medıtsınalyq kýálandyrý júrgizý úshin qan alyndy, aldyn ala boljam boıynsha, ol mas bolmaǵan. Kólik quraldary arnaıy turaqqa qoıyldy.
Atalǵan fakti QR Qylmystyq kodeksiniń 345-babynyń 3-bóligi boıynsha sotqa deıingi tergep-tekserýlerdiń biryńǵaı tiziliminde tirkeldi.
Qazirgi tergeý júrgizilip jatyr. Onyń nátıjesimen túpkilikti protsestik sheshim qabyldanbaq.
