Almatyda zańsyz salynǵan taǵy jeti turǵyn úı kesheni anyqtaldy
Almatyda taǵy jeti turǵyn úı kesheni satyp alýǵa usynylmaıtyn tizimge endi, dep habarlaıdy QazAqparat tilshisi.
Almaty qalasynyń ákimdigi tolyq qujattamanyń bolmaýyna baılanysty jyljymaıtyn múlki satyp alýǵa usynylmaıtyn turǵyn úı keshenderiniń tizimin daıyndady:
1.«Sky Club House» turǵyn úı kesheni – Medeý aýdany, Fonvızın kóshesi, 28. Tapsyrys berýshi: «ABS Park» JShS. Maqsaty: bloktalǵan turǵyn úıler salý. Qurylys-montaj jumystarynyń bastalǵany týraly habarlama - joq. Saraptamasyz, jobadan aýytqý bar.
Nusqama bere otyryp, ÁQBtK-niń 316-baby 1, 321-bóligi boıynsha sharalar qabyldandy. Almaty qalasynyń mamandandyrylǵan aýdanaralyq ekonomıkalyq sotyna (MAES) nusqamany májbúrlep oryndaýǵa talap aryz berildi. Sot talqylaýlary júrgizilýde.
2. «Kairat» turǵyn úı kesheni – Túrksib aýdany, Qaırat shaǵyn aýdany, 23-kóshe, 4-ýchaske. SJT – qaıtaryp alyndy. Nysanaly maqsaty: turaǵy bar az qabatty turǵyn úı kesheni. Qurylys-montaj jumystary 1-shi qabat satysynda toqtatyldy. Tapsyrys berýshi: «Premium Construction Co» JShS.
3. «ALATAUHOUSE» turǵyn úı kesheni – Túrksib aýdany, D. Qonaev TK , 27 ýchaskesi.Tapsyrys berýshi: jeke tulǵa. SJT, joba eskızi – joq. Qurylys-montaj jumystary bastalǵany týraly habarlama joq. Nysanaly maqsaty: jeke qosalqy sharýashylyq júrgizý úshin.
4. «Apple Park» turǵyn úı kesheni – Naýryzbaı aýdany, Quramys shaǵynaýdany, Seıdimbek kóshesi, 105/6 ýchaske.Tapsyrys berýshi: «Almaty Investment Group Construction» JShS. Nysanaly maqsaty: kóp qabatty turǵyn úı keshenin salý. Eskızdik jobaǵa sáıkes úılerdiń qabaty – 3, is júzinde 5 qabatty.
QR ÁQBtK-niń 312-baby 1-bóligi, 316-bóligi 1-bóligi jáne 463-bóligi 1-bóligi boıynsha sharalar qabyldandy jáne qurylys-montajdaý jumystaryn toqtata turý arqyly buzýshylyqtardy joıý týraly nusqama berildi. Kóppáterli turǵyn úıdiń 4 blogynda 4 jáne 5 qabatty buzý týraly talap aryz berildi, sot talqylaýlary júrgizilýde.
5. «Lıýksembýrg» turǵyn úı kesheni – Naýryzbaı aýdany, Qarǵaly shaǵyn aýdany, Qalı Nadyrov kóshesi, 71, 73, 75 ýchaske. Tapsyrys berýshi: jeke tulǵa. SJT, joba eskızi – joq. Saraptama qorytyndysy men QMJ bastalǵany týraly habarlamasy – joq. Nysanaly maqsaty: jeke turǵyn úı qurylysy.
Qurylys jumystary jertóle satysynda toqtatyldy. Topyraqty qaıta toltyrý jáne irgetasty buzý arqyly jer ýchaskesin bastapqy kúıine keltirý týraly talap aryz berildi, sot talqylaýlary júrgizilýde.
6. «Munartaý» turǵyn úı kesheni – Naýryzbaı aýdany, Quramys shaǵynaýdany, Seıdimbek kóshesi, 100/2, 100/3, 100/4. Nysanaly maqsaty: kópqabatty turǵyn úı ornalastyrý.
QR ÁQBtK 1-bóliginiń 316-baby, 1-bóligi, 312-bóligi boıynsha sharalar qabyldandy jáne anyqtalǵan buzýshylyqtardy joıý týraly nusqama berildi-qosymsha 6 blokta 4-qabat turǵyzyldy. 6 blokta 4-shi qabatty buzý úshin MAES-ke talap aryz berildi. Sot talqylaýlary júrgizilýde.
7. Taýnhaýs (ataýy belgilenbegen) turǵyn úı kesheni – Naýryzbaı aýdany, Qaraǵaıly shaǵynaýdany, 2-shi bólimshe. Iesi: jeke tulǵa. SJT, joba eskızi – joq. QMJ bastalǵany týraly habarlamaǵan.
QR ÁQBtK-niń 316-baby 1-bóligi, 321, 463-bóligi 1-bóligi boıynsha sharalar qabyldandy, buzýshylyqtardy joıý týraly usynys berildi, zańsyz turǵyzylǵan obektini buzý týraly talap aryz berildi, sot talqylaýlary júrgizilýde.
Eske salaıyq, salynyp jatqan turǵyn úı keshenderiniń qujattarynyń bar-joǵyn qala qurylysyn baqylaý basqarmasynyń senim telefony – 8 (727) 229-81-36 arqyly bilýge bolady.
