Prezıdent qandaı jaǵdaıda álemde turaqtylyq ornaıtynyn aıtty
2045 jylǵa deıin ıadrolyq qarýdan tolyq bas tartýdyń strategııalyq jospary qazirgi kóshbasshylardyń jahandyq qaýipsizdikti qamtamasyz etýge qosqan eń mańyzdy úlesi bolýy múmkin. Muny Birikken Ulttar Uıymy Bas Assambleıasynyń 78-sessııasynda sóz sóılegen Prezıdent Qasym-Jomart Toqaev aıtty, dep habarlaıdy QazAqparat tilshisi.
«30 jyl buryn Qazaqstan Keńes ókimetinen muraǵa qalǵan tórtinshi ıadrolyq arsenalynan óz erkimen bas tartty. Sondyqtan ıadrolyq kún tártibiniń logıkasyn qaıta qaraý kerek. ıAdrolyq derjavalar arasynda ıadrolyq qarýdan ada álem qurý jolynda ózara senim men yntymaqtastyq bolǵanda ǵana jahandyq turaqtylyqty qamtamasyz ete alamyz. Osyǵan baılanysty Qazaqstan ıAdrolyq qarýǵa tyıym salý týraly shartty qatań saqtaıtynyn málimdeıdi. Biz qarýsyzdaný jáne qarýdy taratpaý salasy boıynsha jańa tetikterdi damytýdy qoldaımyz. 2045 jylǵa deıin ıadrolyq qarýdan tolyq bas tartýdyń strategııalyq jospary qazirgi kóshbasshylardyń jahandyq qaýipsizdikti qamtamasyz etýge qosqan eń mańyzdy úlesi bolýy múmkin», - dep málim etti Prezıdent sessııanyń jalpy debatynda sóılegen sózinde.
Buǵan qosa QR Prezıdenti BUU zalyna jınalǵan memleket basshylary adamzattyń bolashaǵyna jaýapty ekenin basa aıtty.
