Air Astana ushaqtary Qarabaq aýmaǵyn aınalyp ótýde
Air Astana kompanııa ushaqtary Qarabaq aýmaǵyn aınalyp ótip jatqanyn málimdedi, dep habarlaıdy QazAqparat.
«Qarabaqtaǵy turaqsyz jaǵdaıǵa baılanysty «Air Astana»-nyń kompanııalar tobynyń Túrkııaǵa, Eýropaǵa jáne Izraılge baratyn/keletin reısteri atalǵan aýmaqty aınalyp ótýmen júzege asyrylyp jatyr. Avıakompanııa jaǵdaıdy jiti baqylap otyr jáne ushý qaýipsizdiginiń barlyq sharalaryn qabyldaýda», - delingen kompanııa málimetinde.
Eske salaıyq, buǵan deıin Ázerbaıjan Respýblıkasynyń Qorǵanys mınıstrligi Qarabaq óńirinde jergilikti deńgeıde antıterrorlyq sharanyń jalǵasyp jatqanyn málimdegen edi. Al Armenııanyń Syrtqy ister mınıstrligi Ázerbaıjan tarapynyń ustanymyn óńirdegi jańa áskerı shıeleniske dıplomatııalyq daıyndyq retinde baǵalap otyr.
