Elimizde 13 mıllıon kıbershabýyl buǵattaldy
«Memlekettik tehnıkalyq qyzmet» AQ bıyl tamyzdaǵy nátıje boıynsha kıbershabýyldyń aıtarlyqtaı azaıǵanyn habarlady. Internetke qol jetkizýdiń biryńǵaı shlıýzin paıdalana otyryp buǵattalǵan kıbershabýyl sany 13 mıllıon bolǵan. Bul ótken aımen salystyrǵanda 3,3 ese az, dep habarlaıdy QazAqparat tilshisi.
Qazaqstandaǵy memlekettik, jergilikti atqarýshy organdardyń, kvazımemlekettik jáne jeke sektor uıymdarynyń jelilerinde botnettiń eń kóp taralǵan túrleri Andromeda, Botnet, Mozi.Botnet jáne Mariposa.Botnet.
Aldyńǵy aımen salystyrǵanda zııandy baǵdarlamalyq qamtamasyz etý túrindegi aqparattyq qaýipsizdik faktileri 53,8%-ǵa azaıdy. Faktilerdiń deni jergilikti atqarýshy organdarda jáne kvazımemlekettik sektorda tirkelgen.
Securitylab-tyń málimeti boıynsha, Andromeda 80 túrli zııandy baǵdarlamalar tobyn qamtıtyn eń kóne jáne turaqty botnetterdiń biri. Ol spam taratý, derekterdi urlaý, DDoS shabýyldary jáne basqa da maqsattar úshin paıdalanylady. 2017 jyldyń jeltoqsanda birneshe eldiń qaýipsizdik mamandary men quqyq qorǵaý organdarynyń birlesken operatsııasynyń nátıjesinde ishinara joıyldy.
Eger siz aqparattyq shabýyldy baıqasańyz, 1400 nómiri boıynsha (táýlik boıy, tegin), @kz_cert_chat_bot telegram-botyna nemese incident@cert.gov.kz (email) poshtasyna jazýǵa bolady.
