Zııatkerlik menshik salasynda tyń joba júzege asyrylady
ASTANA. KAZINFORM – Ádilet mınıstrligi qyzmeti baǵyttarynyń biri zııatkerlik menshik quqyǵyn qorǵaý máseleleri ekeni belgili. Bul baǵyttaǵy jumystardyń mán-jaıyn Ádilet vıtse-mınıstri Botagóz Jaqselekova Ortalyq kommýnıkatsııalar qyzmeti alańynda ótken brıfıngte aıtyp berdi.
Memleket basshysy Qasym-Jomart Toqaevtyń Joldaýynda elimizde kreatıvti ekonomıkany aýqymdy damytý úshin tıimdi jaǵdaı jasaý qajet ekeni aıtylǵan-dy. Onyń ishinde zııatkerlik menshikti quqyqtyq qorǵaý máselesine basa nazar aýdaryldy.
Ádilet vıtse-mınıstri Botagóz Jaqselekovanyń aıtýynsha, zańnamany jetildirý maqsatynda vedomstvoda zııatkerlik menshik máseleleri boıynsha keıbir zańnamalyq aktilerge ózgerister men tolyqtyrýlar engizý týraly zań jobasy ázirlengen. Qazir ol Parlament Májilisiniń qaraýynda.
Jobada zııatkerlik menshik quqyqtaryn qorǵaýdy qamtamasyz etý boıynsha qosymsha quqyqtyq quraldardy engizý, zııatkerlik menshikti damytý úshin qolaıly jaǵdaı jasaý, ınvestıtsııalar tartý kózdelgen.
Negizgi túzetýler kórý qabileti buzylǵan adamdardyń jarııalanǵan týyndylarǵa qol jetkizý múmkindigin qamtamasyz etý maqsatynda avtorlardyń quqyqtaryna shekteýlerdi tolyqtyrýǵa; kórsetiletin qyzmetti alýshylardyń ótinimderi boıynsha taýar belgilerin jedel tirkeýdi engizýge; basqa da birqatar novellalarǵa qatysty.
«15 mamyrda zııatkerlik menshik boıynsha kadrlardy daıarlaý salasynda mańyzdy oqıǵa boldy. Qazaqstan úshin bul shyn máninde tarıhı sát. Dúnıejúzilik zııatkerlik menshik uıymy, Ádilet, Ǵylym jáne joǵary bilim mınıstrlikteri men Maqsut Narikbayev University arasynda ózara túsinistik týraly memorandýmǵa qol qoıyldy. Nátıjesinde Qazaqstanda DZMU akademııasymen birlesip zııatkerlik menshik salasyndaǵy quqyq magıstri (LL.M) baǵdarlamasy iske qosyldy. Bul álemdegi 18-shi baǵdarlama, Ortalyq Azııa aýmaǵynda biz alǵashqy elderdiń birimiz», - dedi ol.
Baǵdarlama stýdentter úshin zııatkerlik menshik salasyndaǵy quqyqtyq retteýdiń kúrdeli máselelerin zerdeleýge, sondaı-aq bıznestiń quqyqtyq júıemen ózara is-qımylynyń qyr-syryn túsinýge biregeı múmkindik bolyp tabylady.
Túlekter DZMU akademııasy men Maqsut Narikbayev University dıplomdaryn alady. Oqytýshylar quramy sheteldik jáne otandyq mamandardan turady. Mınıstrlik pen DZMU óz granttaryn bóldi.
Vıtse-mınıstr Marrakesh kelisiminiń erejelerin talqylaý boıynsha ótkizilgen halyqaralyq semınardy eske saldy. Bul – zaǵıptar men kórý qabileti buzylǵan adamdardyń baspa aqparatyna qoljetimdiligin qamtamasyz etýge baǵyttalǵan áleýmettik kelisim. Jarııalanǵan jumystarǵa teń qoljetimdilikti qamtamasyz etý maqsatynda Ádilet mınıstrligi Marrakesh shartyn ratıfıkatsııalaý týraly zań jobasyn ázirledi. Búginde joba Úkimet apparatyna jiberildi. Keıin ol Májiliske joldanbaq.
