«Zilzalanyń kúshin azaıtýǵa bolady» - respýblıkalyq basylymdarǵa sholý
***
«Keshe Aqordada Qazaqstan Respýblıkasynyń Memlekettik hatshysy Qanat Saýdabaevtyń tóraǵalyq etýimen Qazaqstan Respýblıkasynyń Prezıdenti janyndaǵy Jappaı qyryp-joıý qarýyn taratpaý máseleleri jónindegi komıssııanyń kezekti otyrysy ótti», - dep jazady «Egemen Qazaqstan» gazeti. Basylymnyń atap ótýinshe, otyrysta komıssııanyń budan burynǵy sheshimderiniń oryndalý barysy, sondaı-aq qarýdy taratpaý salasynda Qazaqstannyń halyqaralyq yntymaqtastaǵy ózekti máseleleri qarastyryldy. Maqala «ıAdrolyq qarýdy taratpaý - barshaǵa ortaq másele» degen taqyryppen berilgen.
«Egemen Qazaqstan» gazetiniń jazýynsha, Qaırat Mámıdiń tóraǵalyq etýimen Parlament Senatynyń kezekti jalpy otyrysy bolyp ótti. Kún tártibine sáıkes áýeli depýtattar Senat Tóraǵasynyń usynymyn qaraı kelip, Ú.Stamqulovty Konstıtýtsııalyq Keńes múshesi qyzmetine qaıta taǵaıyndady. Sondaı-aq osy otyrys barysynda elimizdiń 2 zańy qaralǵan. Atalǵan zań jobalary boıynsha depýtattardyń kóptegen saýaldaryna Baılanys jáne aqparat mınıstri A.Jumaǵalıev pen Ulttyq bank tóraǵasynyń orynbasary B.Tájııaqov jaýap berdi.
***
«Qazaqstandyq bıofızık ǵalym Vıktor Inıýshın Almaty qalasynda bolýy múmkin jer silkinisiniń kúshin azaıtý maqsatynda qazaqstandyq ǵalymdardyń óte qarapaıym qondyrǵy - generatorlardy oılap tapqandyǵyn bizge qýana jetkizdi», - dep jazady «Aıqyn» gazeti búgingi nómirindegi «Zilzalanyń kúshin azaıtýǵa bolady» degen maqalada. Basylymnyń atap ótýinshe, qorǵanys generatorlaryn ornatý arqyly zilzalanyń 4 baldyq kúshin keminde 2 balǵa deıin azaıtýǵa bolady. Ǵalymdar 20 - 30 tonnalyq alyp qorǵanys generatorlaryn jasaýǵa da ázir. Al mundaı generatorlardy jer silkinisi óte qaýipti aımaqtarǵa ornatýǵa bolady.
Besikten beli shyqpaı jatyp, túsik jasatatyndardyń qatary artyp ketip otyr. Almatydaǵy №10 emhananyń áıelderge keńes berý bólimi meńgerýshisi Arna Jeksenbıevanyń aıtýynsha, túsik jasatatyndardyń 15 paıyzy - kámelettik jasqa tolmaǵandar. Degenmen dál deregi joq, óıtkeni óziniń álsizdigin túsikpen japqysy kelgender zańsyz otashylardyń kómegine júginip jatady. Ótken jyly 14 jasar qyzdyń bala kóterip, túsik jasatqanyn ustap, el halqy jaǵalaryn ustaǵan edi, bıylǵy jyly 16 jastaǵy qyzdardyń «qylyqtary» qınap tur. Qoǵamǵa dendep bara jatqan osy dert jaıyndaǵy maqala «Aıqyn» gazetinde «Jasandy túsik jasaryp barady» degen taqyryppen berilgen.
***
Byltyr jazda almatylyqtar arasynda biraz áńgime bolǵan taýdaǵy muzdy kóldiń tasýy jaıly qaýesettiń bıyl da basylmaıtyn túri bar. Mánshúk Mámetova esimi berilgen muzdyq túbindegi qorymtasty kóldiń qaýpin taǵy da belgili sarapshy, geograf ǵalym Borıs Stepanov kópshiliktiń esine salyp otyr. Osy kezge deıin tótenshe jaǵdaılarǵa jaýapty mamandar ony kól deńgeıiniń tómendep kele jatqanyn aıtyp sabasyna tsirýge árekettense, endi ǵalym kól sýynyń azaıýynan da almatylyqtarǵa qaýip tónýi múmkin ekenin boljaıdy. Bul jaıynda egjeı-tegjeı bilgińiz kelse «Alash aınasy» gazetindegi «Taýdaǵy kólder qashan zertteledi» degen maqalaǵa kóz júgirtińiz.
«Alash aınasy» gazetiniń turaqty «Dat!» aıdarynda Mıkrobıologııa jáne vırýsologııa ınstıtýtynyń bas dırektory Amankeldi Sadanovpen aradaǵy suhbat «Mıkrobıologııalyq zerthanadan qorqýdyń qajeti joq» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Munaı tógilgen alqaptardy mıkroorganızmderarqyly tazalaý - Táýelsizdik jyldaryndaǵy bizdiń ǵylymı býynnyń qol jetkizgen jetistigi. Ósimdik pen mal aýrýlaryna qarsy preparattardy da daıyndap jatyrmyz», - deıdi.
«Premer-Mınıstr Kárim Másimov «Nazarbaev Ýnıversıteti» AQ-nyń Dırektorlar keńesiniń otyrysyn ótkizdi», - dep jazady «Kazahstanskaıa pravda» gazeti. Otyrys barysynda qarjy-sharýashylyq qyzmetiniń, strategııalyq áriptestermen qarym-qatynastardyń, basqarý júıesiniń, sondaı-aq JOO-nyń áleýmetik saıasatynyń keıbir máseleleri qaraldy. Sonymen qatar Osy kúni K.Másimov 1-shi Qazaqstandyq І-MIX 2011 ınternet-konferentsııa jumysyna qatysty. Onda bıznes pen memlekettik sektordyń tıimdiligin arttyrý úshin Kaznetti jáne joǵary tehnologııalardy damytý máseleleri talqylandy.
