Jylytý maýsymy jaqyndap qaldy: Qutqarýshylar peshti qazirden bastap daıyndaýǵa shaqyrdy
ShQO Tótenshe jaǵdaılar departamenti baspasóz qyzmetiniń málimetine súıensek, jylytý maýsymynda pesh jaǵatyn jeke turǵyn úılerde órtter men kómirtegi totyǵymen ýlaný jaǵdaılary kóbeıedi.
Máselen, Shyǵys Qazaqstanda byltyrǵy kezeńde 296 órt shyqsa, 22 adam ýlanyp qalǵan. Sol úshin qutqarýshylar halyqty peshti qazirden bastap daıyndaýǵa shaqyrdy:
- Peshtiń syrtyn jáne ishin muqııat tekserińiz. Qandaı da bir zaqymdardyń joq ekenine kóz jetkizińiz, qajet bolǵan jaǵdaıda murjany jáne peshti sylańyz.
- Jylytý maýsymy bastalar aldynda murja men peshti 3 aıda keminde 1 ret tazalap otyryńyz.
- Pesh esigi bekitilýin tekserińiz.
- Jylytý peshi men janǵysh konstrýktsııalardyń arasynda normalarmen belgilengen órtke qarsy qashyqtyq (sheginis) bolýy tıis.
Pesh jaqqan kezde tyıym salynady:
- janyp jatqan peshti qaraýsyz qaldyrý jáne peshti balalarǵa qadaǵalaýdy tapsyrý.
- peshti jaǵý úshin benzın, kerosın, dızel otynyn jáne basqa da tez tutanatyn janǵysh suıyqtyqtardy qoldaný.
- jeldetý jáne gaz arnalaryn murjalar retinde paıdalaný.
- peshterdi shekten tys qyzdyrý.