Jyl qorytyndysy: Jemqorlyq qylmysyna barǵandar sheni men laýazymyna qaramastan jazalanýda
Múslim Ómirııaev 10 jylǵa bas bostandyǵynan aıyryldy
2013 jyldyń jeltoqsanynda burynǵy Aýyl sharýashylyǵy vıtse-mınıstri M. Ómirııaev para alǵany úshin ustaldy. Ol memlekettik satyp alýlar boıynsha oń sheshim shyǵarǵanyna 100 myń dollar kóleminde para alǵan degen kúdikke ilindi.
Bıylǵy qazanda Astana qalasy qylmystyq ister jónindegi mamandandyrylǵan aýdanaralyq soty oǵan qatysty sheshim shyǵardy.
Ol QR QK 311-babynyń 5-bóligi (iri kólemde para alý) boıynsha aıypty dep tanyldy. M. Ómirııaevtiń barlyq múlki tárkilenip, memlekettik qyzmette jáne jergilikti ózin-ózi basqarý organdarynda 7 jyl merzimge jumys isteý quqyǵynan, 10 jyl bas bostandyǵynan aıyryldy. Eks-sheneýnik jazasyn qatań rejimdegi kolonııada óteıtin bolady.
Erlan Aryn sot zalynan bosatyldy
Aǵymdaǵy jyldyń naýryzynda úlken kólemde para aldy degen kúdikpen Pavlodar oblysynyń burynǵy ákimi Erlan Aryn ustalǵany belgili. Pavlodar oblysy ákimdiginiń birqatar laýazymdy tulǵalaryna qozǵalǵan qylmystyq istiń negizinde 2014 jyly 4 naýryz kúni demeýshilerden Pavlodar oblysyn abattandyrýǵa berilgen qarjyny jymqyrdy jáne iri kólemde para aldy degen kúdikpen oblystyń burynǵy ákimi E. Aryn quryqtaldy.
Arada jarty jyldan astam ýaqyt ótkennen keıin, ıaǵnı qarashanyń sońynda Arynnyń isi boıynsha mamandandyrylǵan aýdanaralyq sotta qaralǵan protsess aıaqtaldy. Sot Erlan Aryndy QR QK-nyń 307-babynyń 3-tarmaǵy boıynsha aıypty dep taýyp, ony úsh jylǵa shartty túrde bas bostandyǵynan aıyrý jazasyn taǵaıyndady. Ol sot zalynan bosatyldy
Sot aıyptalýshydan, jábirlenýshiden, kýálardan jaýap alyp jáne is-qujattardy zerttep, E.M.Arynnyń árekettinen tek QR QK-niń 307 baby 3 bóligimen kózdelgen qylmystyń quramy bar degen qortyndyǵa keldi, ıaǵnı, jaýapty memlekettik qyzmettegi tulǵanyń óz qyzmet babyn asyra paıdalanýy oryn alǵan.
Murat Ospanov sot sanktsııasymen tutqyndaldy
Bıylǵy shildeniń basynda Astana soty QR Tabıǵı monopolııalardy retteý agenttiginiń burynǵy tóraǵasy Murat Ospanovty qamaýǵa alýdy sanktsııalady. Qarjy polıtsııasy agenttigi oǵan tabıǵı monopolııalardy qoldaý úshin 300 myń dollar kóleminde para aldy degen aıyp taǵyp otyr. Ospanov ýaqytsha ustaý oqshaýlaǵyshynan tergeý ızolıatoryna aýystyryldy.
Ospanovtyń isi boıynsha sot 11 qarashada Astananyń qylmystyq ister jónindegi mamandandyrylǵan aýdanaralyq sotynda bastaldy. Qarashanyń aıaǵynda onyń isinde sotta negizgi kýágerlerdiń biriniń jaýabyn qatystyrmaý týraly qorǵaýshylardyń qoldaýhaty qabyldanbady. Bunyń aldynda aıyptalýshynyń qorǵaýshylary M.Ospanovtyń kómekshisi Berik Ergeshevtiń jaýaptary men túsinikterin istiń materıaldarynan alyp tastaý týraly ótinimhat joldaǵan bolatyn. Sot tyńdaýy barysynda sýdıa Erbol Rahımbekov aldyn ala tergeý kezinde Ergeshevtiń dálelderi tekserilgenin jáne olar naqtylanǵanyn negizge ala otyryp, Ospanov qorǵaýshylary qoldaýhatyn qabyl almaý týraly qaýly etti.
Tergeý nusqasy boıynsha, aqsha QR Tabıǵı monopolııalardy retteý agenttiginiń burynǵy tóraǵasyna para retinde Ergeshev arqyly tapsyrylǵan. Aıta keteıik, kýáger B. Ergeshev sotta jaýap bergen bolatyn. Qorǵaýshylardyń paıymynsha, onyń aıǵaqtary qysym kórsetý arqyly alynǵan.
Baýyrjan Ábdishev qamaýǵa alyndy
Bıylǵy qyrkúıekte qyzmettik ókilettiligin teris paıdalandy dep aıyptalǵan Qaraǵandy oblysynyń burynǵy ákimi Baýyrjan Ábdishev eki aıǵa qamaýǵa alyndy.
Al qarashanyń aıaǵynda sot Qaraǵandy oblysynyń burynǵy ákimi B. Ábdishevti qamaýda ustaý merzimin 3 aıǵa deıin uzartty. Atap aıtqanda, Qaraǵandy qalasy Qazybek bı aýdandyq sotynyń 2014 jylǵy 18 qarashadaǵy qaýlysymen QR QK 307-baby 4 bólimi boıynsha aıyptalǵan B. Ábdishevtiń qamaýda bolý merzimi úsh aıǵa deıin, 2014 jyldyń 23 jeltoqsany saǵat 17.00 deıin uzartyldy.
Al keshe ǵana laýazymdyq ókilettigin teris paıdalanǵany úshin aıyptalǵan Qaraǵandy oblysynyń burynǵy ákimin qamaýda ustaý merzimi bir aıǵa uzartylǵany habarlandy. ıAǵnı, tergeý organdarynyń suraýyna baılanysty Qazybek bı aýdandyq sotynyń qaýlysymen B. Ábdishevtiń qamaq merzimi 2015 jylǵy 23 qańtarǵa deıin bir aıǵa uzartyldy.
Tergeý organdarynyń nusqasy boıynsha Ábdishev jolǵa tóseletin plıtkalar shyǵaratyn «EýroStandart Qaraǵandy» JShS zaýytynyń múddesin qorǵaǵan. Іs materıaldaryna sáıkes kásiporyn onyń tanysynyń atyna resimdelgen. «EýroStandart Qaraǵandy» JShS men «Mádenıet, demalys saıabaqtary basqarmasy» QMK arasyndaǵy 2012 jylǵy qańtar men mamyrda jasalǵan eki shart somasy 1,2 mlrd. teńgeden astam qarajatty quraǵan.
Shekara qyzmetiniń dırektory Nurlan Jolamanov ustaldy
27 qazanda Qazaqstan Respýblıkasy UQK jeke qaýipsizdik bólimshesi QR UQK Shekara qyzmetiniń laýazymdy tulǵalary tarapynan qyzmettik ókilettikterin teris paıdalanǵan faktilerge júrgizgen tekserý sheńberinde qylmystyq is qozǵaldy. Atalmysh qylmysty jasady degen kúdikpen Shekara qyzmetiniń dırektory Nurlan Jolamanov ustaldy. Bul is boıynsha tıisti jedel tergeý taǵaıyndalyp, ony qadaǵalaýdy QR Bas áskerı prokýratýrasy júzege asyrady.
Araǵa birer kún salǵannan keıin N.Jolamanovqa uıymdasqan qylmystyq top qurdy degen aıyp taǵyldy. Aqmola garnızonynyń áskerı soty QR UQK Shekara qyzmetiniń dırektory Nurlan Jolamanovty 27 jeltoqsanǵa deıin tutqynǵa alý týraly úkim shyǵardy. Alynǵan málimet boıynsha, QR UQK Shekara qyzmetiniń dırektory N.Jolamanov QR QK 311-baby (Para alý) 5-bólimi jáne 235-baby (Bir nemese birneshe qylmys jasaý maqsatynda uıymdasqan top qurý jáne ony basqarý, sol sııaqty oǵan qatysý) 3-bólimi (Transulttyq qylmystyq qoǵamdastyq (transulttyq qylmystyq uıym) qurý jáne ony basqarý, sol sııaqty oǵan qatysý) boıynsha tutqynǵa alynǵan.
Aqmola garnızony áskerı sotynyń baspasóz qyzmetinen atap ótkendeı, qamaýǵa alý ýaqyty uzartylýy múmkin. Qazirgi ýaqytta tıisti tergeý amaldary júrgizilýde.
UQK málimetteri boıynsha, aǵymdaǵy jyldyń 3 jeltoqsanynda N.A.Jolamanovqa qatysty uıymdasqan qylmystyq toptyń quramynda bolyp, túrli kommertsııalyq qurylym ókilderinen para aldy degen 13 epızod boıynsha qylmystyq istiń tergeýi aıaqtaldy.
Serik Ahmetovke bıýdjet qarjysyn jymqyrdy degen aıyp taǵylýda
2014 jyldyń 18 qarashasynda Qaraǵandy qalasy Qazybek bı aýdandyq sotynyń qaýlysymen aıyptaýshy organdardyń aldyn ala tergeýi boıynsha asa aýyr jemqorlyq qylmys jasaǵany úshin QR QK 176-babynyń 4-tarmaǵy «B» pýnkti boıynsha Ahmetov Serik Nyǵmetulyn 2015 jylǵy 18 qańtardyń saǵat 23:00-ge deıin eki aı úıqamaqqa alý týraly sanktsııa berildi.
Qaraǵandy oblysy men qalasynyń, «Saryarqa» ÁKK» UK, «Metallýrgııa-Metall óńdeý» ındýstrııalyq parki AEA, «QazAgroFınans» AQ burynǵy basshylary: B. Ábdishev, M. Smaǵulov, A.Esse, Ǵ. Raqymjanov jáne basqa da tulǵalarǵa qatysty sybaılas jemqorlyq faktileri boıynsha birqatar asa aýyr qylmystyq isterdi tergelýde . Tergeý isteriniń aıasynda sondaı-aq Qaraǵandy qalasynyń Qazybek bı aýdandyq soty 1958 jyly týylǵan Ahmetov Serik Nyǵmetulyna aıyp taǵyp, oǵan qatysty úıqamaqqa alý bultartpaý sharasy qoldanyldy.
Kelesi kúni keshqurym Serik Ahmetovke asa iri kólemde bıýdjet qarjysyn jymqyrdy degen aıyp taǵylǵany habarlandy.
S.Ahmetovtiń buryn sottalmaǵany, Qaraǵandyda turaqty mekenjaıy bar ekendigi eskerildi. Sot sondaı-aq onyń densaýlyq jaǵdaıyn da eskerdi. Sondyqtan úıqamaqqa alý túrinde bultartpaý sharasyn qoldaný jóninde sanktsııa shyǵaryldy.
Jemqorlyq qylmysyna qatystylardyń tıisti jazasyn almaýy - Agenttikke syn
Aıta keteıik, bıylǵy tamyzda Qarjy polıtsııasy ókilettiligi Memlekettik qyzmet isteri jáne jemqorlyqqa qarsy is-qımyl agenttigine berildi. Al qarashanyń aıaǵynda ótken agenttiktiń keńeıtilgen keńesinde osy vedomstvonyń tóraǵasy Qaırat Qojamjarov ózi basqaryp otyrǵan agenttik qyzmetkerleriniń negizgi mindetterin atady. «Bizdiń qyzmetti bastaý úshin qajetti quqyqtyq uıymdastyrýdyń negizi quryldy. Agenttiktiń basymdyqty maqsattaryna toqtalatyn bolsam, birinshi kezekte sizderge qoıylatyn talaptarǵa nazar aýdarǵym keledi. Sizder Memleket basshysynyń joǵary senimine laıyqty bolýlaryńyz kerek jáne qoǵamnyń senimin aqtaý úshin barlyq kúsh-jigerlerińizdi salýlaryńyz qajet. Biz etıkalyq talaptardyń joǵary deńgeıin árdaıym ustap turýymyz shart. Memlekettik qyzmetkerlerdiń jemqorlyqqa qarsy modeliniń negizinde ar-namys kodeksin múltiksiz saqtaý jatyr. Bul - bizdiń minsiz jumysymyzdyń mańyzdy talaby»,-dedi Q. Qojamjarov vedomstvo qyzmetkerlerine qaratyp aıtqan sózinde.
Sonymen qatar ol óz sózinde sot tarapynan engizilgen árbir aqtaý úkimi Memlekettik qyzmet isteri jáne sybaılas jemqorlyqqa qarsy is-qımyl agenttigi qyzmetkerleri kásibıliginiń tómendigin kórsetetindigin atap ótti.
«Aldaǵy jyldan bastap biz jańa quqyqtyq tártipte jumys isteı bastaıtyndyǵymyzdy atap ótkim keledi. Jańa Qylmystyq-protsessýaldyq kodekske sáıkes, qosymsha tekserý men tergeý ınstıtýttaryna tyıym salynady. Sot tarapynan engizilgen árbir aqtaý úkimi bizdiń kásibı deńgeıimizdiń tómendigin kórsetedi. Azamattar quqyǵyn qorǵaýdyń kepili bolýy turǵysynda biz qabyldanatyn protsessýaldyq sheshimniń minsizdigin qamtamasyz etýge mindettimiz»,-dedi Q. Qojamjarov jemqorlyqqa qarsy qyzmettiń ofıtserlerine qaratyp aıtqan sózinde.
