Jyl basynan beri jeńil ónerkásip óndirisiniń kólemi 8% artty
Bul jóninde Indýstrııa jáne ınfraqurylymdyq damý mınıstrligi málimet taratty.
2020 jyldyń birinshi jartyjyldyǵynyń qorytyndysy boıynsha jeńil ónerkásip salasyndaǵy óndiris kólemi 8% ósti. Toqyma buıymdarynyń óndirisinde - 8,4%, bylǵary ónimderi - 6,6% jáne kıim óndirisinde - 2,1% ósim baıqalady. Saladaǵy oń nátıje maqta talshyǵy, daıyn toqyma buıymdary, syrtqy kıim, bas kıim, shulyq buıymdary men aıaq kıim óndirisiniń ulǵaıýy esebinen bolǵan.
«Jalpy alǵanda, kóbine otandyq óndirýshiler qorǵanys salasy men arnaıy kıimder tapsyrysyn oryndaýda. Osylaısha óndiris oshaǵynda shyǵarylatyn ónim suranysqa ıe bolyp, kepildi satylymdy qamtamasyz etedi. Sonymen qatar, bıyl turǵyndardy maskamen qamtamasyz etý maqsatynda óndiriske 70-ten astam tigin kásiporyndary qosyldy. Olar táýligine dáke men bózden 700 myń betperde shyǵarady» delingen habarlamada.
Tigin kásiporyndaryn shıkizatpen qamtamasyz etý maqsatynda «Azala Textile» JShS dáke shyǵaratyn 9 stanokty iske qosty, shyǵarý kólemin 8 ese arttyrdy. Óndiristik tsıkl memleketaralyq standartqa sáıkes jolǵa qoıylǵan. Sondaı-aq, kásiporyn tyǵyzdyǵy tómen tazartylǵan maqta matasyn shyǵarady.
Sonymen qatar, 2020-2022 jyldary qoldanystaǵy jobalardy keńeıtýdi eskere otyryp, 1486 jumys orny ashylatyn, jalpy quny 27,384 mlrd teńge bolatyn 19 jobany iske qosý josparlanǵan.
Jergilikti atqarýshy organdar úshin jeńil, jıhaz ónerkásibi men qurylys materıaldaryn memlekettik satyp alýda jergilikti qamtý boıynsha nysanaly ındıkatorlar belgilengen. Jeńil jáne jıhaz ónerkásibiniń taýarlary 2019 jyldyń 1 shildesinen bastap memlekettik satyp alý konkýrsy ótkiziletin taýarlar, jumystar men qyzmetter tizbesine engizilgen.
Búginde jeńil ónerkásip salasynda 1130 kásiporyn jumys isteıdi, onyń 97% - shaǵyn kásiporyndar, salada jumys isteıtinderdiń sany - 17,9 myń adam.
