Jyl basynan beri ınflııatsııa 100,7 paıyzdy qurady - AShM

ASTANA. 20 naýryz. QazAqparat - Jyl basynan beri ınflııatsııa 100,7 paıyzdy qurady. Bul týraly búgin Úkimet otyrysynda azyq-túlik taýarlarynyń baǵasy týraly baıandama jasaǵan QR Aýyl sharýashylyǵy mınıstrliginiń jaýapty hatshysy Evgenıı Aman málim etti.

«Statıstka agenttiginiń málimetteri boıynsha jyl basynan beri ınflııatsııa 100,7 paıyzdy, onyń ishinde aqpan aıynda 100,4 paıyzdy qurady. Jyl basynan azyq-túlik baǵasy 1,2, al aqpanda 0,6 paıyzǵa ósti», - dedi ol.

Onyń aıtýynsha, jyl basynan et jáne et ónimderiniń baǵasy 3, sút ónimderi 0,8, qııar 10,7, qyzanaq 11,9 paıyzǵa qymbattaǵan. Al jarmalar baǵasy 7,5, pııaz 2,2, maı jáne sary maı 2,1, sábiz 0,8, kartop 0,6 paıyzǵa tómendegen.

«Aǵymdaǵy jyly sońǵy 5 jylda alǵash ret kartop, pııaz, sábiz, qyzylsha baǵasy qys maýsymynda turaqty boldy. Baǵa kóterilgen joq, qaıta birshama tómendeý baıqaldy. Bul rette aıta keterligi, Óńirlik turaqtandyrý qorlaryna salynǵan taýarlardyń baǵasynyń tómendeý baıqalǵandyǵyn atap ótken oryndy», - dedi E.Aman.