Jyl basynan beri bıýdjetke 3,6 trln teńge salyq tústi

NUR-SULTAN. QazAqparat – Osy jyldyń 1-toqsanynda memlekettik bıýdjetke 3,6 trln teńge salyq túsimderi tústi, dep habarlaıdy QazAqparat Memlekettik kirister komıtetine silteme jasap.

«Ótken jylǵy uqsas kezeńimen salystyrǵanda 1,7 ese nemese 1 520,9 mlrd. teńgege ósti, onyń ishinde respýblıkalyq bıýdjet 100,2% oryndaldy»,- delingen vedomstvonyń habarlamasynda.

Jalpy, 2022 jylǵy 1-toqsanda elektrondy shot-faktýralar derekteri boıynsha úı qyzmetshisin jaldaıtyn jáne ózi tutyný úshin taýarlar men qyzmetter óndiretin úı sharýashylyqtary qyzmeti 3,6 esege, óner, oıyn-saýyq jáne demalys 1,8 esege, ózge de qyzmet túrlerin usyný 1,7 esege, ken óndirý ónerkásibi jáne karerlerdi qazý 1,6 esege, aqparat jáne baılanys 58,1%-ǵa, kásibı, ǵylymı jáne tehnıkalyq qyzmet 44,7%-ǵa, qurylys 29,9%-ǵa, aýyl, orman jáne balyq sharýashylyǵy 29,6%-ǵa, bilim berý 26,9%-ǵa, kóterme jáne bólshek saýda 24,8%-ǵa jáne ónerkásipti óńdeý 22,8%-ǵa ósti.

2021 jylǵy uqsas kezeńimen salystyrǵanda Respýblıkalyq bıýdjet túsimderdiń eń kóp somasy munaıǵa salynatyn korportatıvti tabys salyǵy boıynsha 502,2 mlrd teńgege nemese 2,3 ese, ishki tutyný taýarlaryna qosylǵan qun salyǵy 408,7 mlrd. teńgege nemese 5,9 ese jáne eksporttyq keden bajdary boıynsha 212,2 mlrd teńgege nemese 2,2 ese óskeni baıqalady.