Jyl basynan beri 800-ge jýyq elordalyqtyń jalaqy boıynsha bereshegi óteldi
«Bıyl 86,2 mln teńgeden astam jalaqy boıynsha bereshek óteldi. Osylaısha, 795 qyzmetkerdiń eńbek jáne konstıtýtsııalyq quqyqtary qorǵaldy. 2022 jyly 1 758 qyzmetkerdiń jalpy somasy 430 mln teńge jalaqy bereshegi óndirilgen edi» - dedi Qalalyq orta sapasy jáne baqylaý basqarmasy basshysynyń orynbasary Erlan Ysmaǵulov kommýnıkatsııalar qyzmetinde ótken brıfıngide.
Onyń aıtýynsha, jalaqy boıynsha bereshek máselelerin sheshý jáne eńbek janjaldaryn boldyrmaý maqsatynda turaqty negizde problemaly jumys berýshiler jáne ózgede jaýapty organdarmen otyrystar ótedi.
«Jyl basynan beri ótken 5 otyrystyń nátıjeleri boıynsha jalaqy boıynsha bereshekti óteý, óndiristik jaraqattanýdy azaıtý, áleýmettik aýdarymdardy tóleý boıynsha bereshek máselelerin sheshý jáne retteý jóninde sharalar qabyldandy», - dep túıindedi spıker.
Buryn habarlaǵanymyzdaı, bıyl jalaqysyn ala almaı júrgen 13 myńǵa jýyq jumyskerdiń quqyǵy qorǵaldy.
