Jyl basynan beri 2000-ǵa jýyq mańǵystaýlyqqa zeınetaqy taǵaıyndaldy
«Azamattarǵa arnalǵan úkimet» memlekettik korporatsııasy Mańǵystaý oblysy boıynsha fılıalynyń málimetinshe, jasyna baılanysty zeınetaqy tólemderi 1674 azamatqa rásimdelgen. Jalpy búgingi tańda Mańǵystaý oblysy boıynsha 52844 zeınetker bar.
«Biz zeınetkerlikke shyǵý rásimin barynsha jeńildetýge tyrysyp jatyrmyz. Bir jyl buryn zeınetkerlikke bir ótinishpen shyǵýǵa múmkindik beretin kompozıt qyzmetin engizdik. Bıyl HQO-ǵa barmaı-aq, sms-habarlama arqyly zeınetkerlikti rásimdeýge múmkindik beretin proaktıv qyzmetin iske qostyq. Tsıfrlyq jańashyldyqtar, osylaısha, qurmetti demalysqa artyq qaǵazbastylyqsyz shyǵýǵa jol ashady», – deıdi fılıal dırektory Erbol Baıjigit.
Aıta keteıik, zeınetkerlik jasqa jetýine, bazalyq zeınetaqynyń tólenýi men memlekettik kepil tólem jasaý týraly, sondaı-aq BJZQ-ǵa tólemderdi tóleý sııaqty tórt ótinishtiń ornyna bir ǵana ótinish ótkizýge múmkindik beretin kompozıt qyzmeti 2018 jyldyń qazan aıynda engizildi.