Júzdegen qazaqstandyq Musa Jálelge arnalǵan halyqaralyq ádebı baıqaýǵa qatysty
Aty ańyzǵa aınalǵan maıdan aqynynyń qurmetine ádebı baıqaý (Musa Jáleldiń 110 jyldyǵyna oraı) birinshi ret 2016 jyly ótken bolatyn.
«Qazaqstan halqy Assambleıasy men Qazaqstandaǵy Tatarlar jáne bashqurttar kongresiniń qoldaýymen «Dýslyk» tatar bilim berý mádenı ortalyǵy uıymdastyryp júrgen baıqaýdyń shekarasy úsh jyl ishinde aıtarlyqtaı keńeıe tústi. Baıqaý mártebesi halyqaralyq deńgeıge deıin kóterildi. Bul usynys Elbasynyń Tatarstan Prezıdenti Rýstam Mınnıhanovpen kezdesýinde aıtylyp, qoldaý tapqan edi», – dedi Qazaqstan halqy Assambleıasynyń múshesi, «Dýslyk» tatar bilim berý-mádenı ortalyǵynyń jetekshisi ıAnnat Nızamýtdınova.
2019 jyly «Jálel juldyzy» halyqaralyq ádebı baıqaýy 15 aqpanda, batyr ári aqynnyń týǵan kúnine oraı ótkizildi. Baıqaýdyń qorytyndysy tamyz aıynyń sońynda, Musa Jáleldi eske alý kúni shyǵaryldy. Aıta ketý kerek, bıyl onyń ólim jazasyna kesilgenine týra 75 jyl tolyp otyr.
«Eki jarym aıdyń ishinde baıqaýdy uıymdastyrýshylar Qazaqstannan, Ózbekstannan, Qyrǵyzstannan, Reseı Federatsııasynyń aımaqtarynan qatysýǵa 500-den astam ótinim aldy. Olardyń ishinde sany jaǵynan Tatarstan Respýblıkasy kóshbasshy boldy», - dep atap ótti baıqaýdyń qazylar alqasynyń múshesi, Qazaqstandaǵy Tatarlar jáne bashqurttar kongresiniń basshysy, Dúnıejúzilik tatar kongresi ulttyq keńesi tóraǵasynyń orynbasary Taýfık Karımov.
Uıymdastyrý komıteti baıqaýdyń talaptaryna saı kelgen 300-ge jýyq jumysty iriktep, qarady. Bul eńbekter Musa Jáleldiń óleńderi, áńgimeleri, esseleri men shyǵarmashylyq zertteýlerine negizdelgen edi. Sonymen qatar, bıyl baıqaýdyń geografııasy ǵana emes, janrlary da keńeıdi. Mysaly, áleýetti qatysýshylardyń usynysynyń arqasynda Jáleldiń óleńderi qazaq, tatar, orys, aǵylshyn, tájik, túrik jáne ózbek tilderine aýdarylǵan.
Balalar men jastar santy boıynsha 47 jeńimpazdan bólek, on bir nomınatsııa boıynsha úzdik jumystardyń avtorlaryna 55 júlde berildi.
Avtory Sara Qabıqyzy
