«Jýsan ıisi» satylymǵa shyǵady» - respýblıkalyq basylymdarǵa sholý
***
«Bıyl elimiz Qazaqstan Respýblıkasy Memlekettik rámizderiniń qabyldanǵanyna jıyrma jyl tolǵanyn atap ótti, sondaı-aq uıymdarda ártúrli sharalar uıymdastyryldy. Degenmen, kúndelikti ómirimizde mundaı sharalardyń mereıli datalarǵa ǵana oraılastyrylmaı, tele-radıo arnalary men tolqyndarynda, baspasóz betterinde, t.b. únemi kóterilip turýy qajet dep bilemiz. Qazaqstannyń «Memlekettik rámizder týraly» Zańyna sáıkes elimizde Qazaqstan Respýblıkasynyń memlekettik rámizderine qurmetpen qaraýdy qalyptastyrý kózdelgen, ıaǵnı: «Qazaqstan Respýblıkasynyń azamattary, sondaı-aq respýblıka aýmaǵynda júrgen adamdar Qazaqstan Respýblıkasynyń memlekettik rámizderin qurmetteýge mindetti», dep tasqa tańba basqandaı jazylǵan»,-delingen «Egemen Qazaqtan» basylymynyń búgingi sanyndaǵy «Memlekettik rámizderdi qurmetteý - mindetimiz» atty maqalada.
***
«Aıqyn» basylymynyń jazýynsha, qazaq dalasynyń jupar ıisi - bir qutyda. Qazaqstandyq jas ǵalymdar keń baıtaq jerimizde jabaıy ósken ósimdikterden efır maılaryn ala bastady. Endi qaqaǵan aıazdy kúni de shalǵyn shóptiń qaıtalanbas ıisine ábden qanyǵýǵa bolady. Ónertapqyshtar alǵashqy efır maılaryn patenttep te qoıdy. «Qazaq dalasynyń hosh ıisi» brendimen endi ol eńbekterin shetelge de tanystyrmaq. Atalmysh jobanyń ıesi - jas ǵalym Erlan Súleımenov. Bul jóninde keńirek bilgińiz kelse, «Aıqyn» basylymynyń búgingi sanyndaǵy «Jýsan ıisi» satylymǵa shyǵady» atty maqalany qarańyz.
Osy basylymnyń búgingi sanynda «Arandatýshylar aýylda júr» atty maqala jaryq kórdi. Gazettiń jazýynsha, Ońtústik Qazaqstan oblysy Saryaǵash qalasynyń turǵyndary Bas prokýror Ashat Daýylbaevtyń, Din isteri jónindegi agenttik tóraǵasy Qaırat Lama Sharıftiń, OQO ákimi Asqar Myrzahmetovtiń atyna jazylǵan úndeý mátinin jiberdi, oǵan Saryaǵash aýdandyq bilim bóliminiń bastyǵy, máslıhat depýtattary jáne taǵy birqatar jergilikti atqaminerler qol qoıypty. Úndeýde saryaǵashtyqtar dinı aǵymdar, sektalar, búgingi tańda álem halyqtaryn alańdatyp otyrǵan máselege aınalǵanyn tilge tıek ete otyryp, el arasyna iritki salatyn dinı sektalardyń kóbeıgenine alańdatýshylyq bildirdi.
***
«Kompıýtersiz, ǵalamtorsyz myna zamanda ózimizdi ne qolsyz, ne aıaqsyz múgedek sııaqty sezinetinimiz ras. Desek te, aqparat almasyp, qujat berisýge bolmasa, besikten beli shyqpaı jatyp densaýlyǵyn qurtatyn búldirshinderge bul jeli múldem arnalmaǵan. Sheteldik mamandar da bul máselege qatty alańdap otyr. Sebebi jasóspirimder arasynda nevroz ben psıhozdyń túrleri kúnnen-kúnge dendep barady. Bolashaq máselesin kóterip otyrǵan bul ózekti maqala «Alash aınasy» gazetinde «Kontr-Straıkten asyq atqan artyq edi ǵoı» degen taqyryppen berilgen.
Elimizdiń jasyl ekonomıkaǵa kóshý strategııasynda mal sharýashylyǵyna aıryqsha kóńil bólý kerek. Bul týraly «Alash aınasyna» suhbat bergen Sý sharýashylyǵyn úılestirý komıtetiniń ǵylymı-zertteý ortalyǵynyń Qazaq fılıalynyń dırektory Narıman Qypshaqbaev aıtty. «Búginderi mal ónimderin alýdaǵy naǵyz taza ekologııalyq jer Qazaqstan eken. Óıtkeni elimizdiń 270 mln gektar jeriniń 140-150 mln gektary - jaıylym. Sondyqtan jaıylymdy baılyqtyń kózi retinde esepteý kerek. Al jaıylymnan, tórt túlikten taza ónimder alýǵa bolady», - deıdi ol. Sonymen birge Qypshaqbaev bul suhbatynda sý sharýashylyǵyn basqarý isine qatysty kózqarasyn bildiredi: «Aýyl sharýashylyǵy mınıstrligi apparatynda da, «salalyq komıtetterdi qosyp alamyn» dep júrgen ekologtarda da, bir de bir sý mamany joq. Sonda olar qalaı sýdy basqarmaqshy? Sý degen oınaıtyn nárse emes. Taǵy qaıtalap aıtamyn, sý máselesin bulaısha tómengi deńgeıge qoıý - jańsaqtyq. Talaı jyl sý mınıstri boldym. Barlyǵyna sózimizdi ótkizdik. Sý máselesi qatty qadaǵalandy. Qazaqstannyń sý sharýashylyǵy damydy. Osyndaı tirnektegen eńbekpen kelgen dúnıeni nege joıa berýimiz kerek? Qazir sýdyń jaıyn kimnen surarymyzdy bilmeımiz».
