Jurtshylyqtyń belsendi qatysýynsyz jemqorlyqty joıý múmkin emes - Rasýl Medetov
Sybaılas jemqorlyqqa qarsy qyzmettiń Seriktestik departamentiniń dırektory Rasýl Medetovtiń aıtýynsha, memlekettik organdardyń ashyqtyǵy men aıqyndyǵyn qamtamasyz etý boıynsha keshendi jumys belsendi júrgizilýde. Búgingi tańda jurtshylyq ókilderi qatarynan Agenttik janynan qurylǵan konsýltatıvtik-keńesshi organdar sybaılas jemqorlyqqa qarsy bastamalardyń negizgi generatorlary bolyp tabylady.
Agenttik janynan qurylǵan alǵashqy qoǵamdyq ınstıtýt - Sybaılas jemqorlyqqa qarsy strategııany iske asyrý boıynsha Arnaıy monıtorıngtik top (AMT).
5 jyl ishinde ol naqty jáne Azamattyq baqylaý ınstıtýtyna aınaldy, respýblıkalyq jáne jergilikti deńgeıde memlekettik organdardyń ashyqtyǵy men eseptiligin damytýǵa eleýli úles qosty.
AMT músheleri júıeli túrde UBT-niń ótýine monıtorıng júrgizý jáne magıstratýraǵa túsý kezinde granttardy bólý arqyly Akademııalyq adaldyq qaǵıdattaryn iske asyrý boıynsha jumys júrgizedi.
AMT-nyń búgingi problemalardy neǵurlym naqty sheshý maqsatynda barlyq memlekettik organdardyń, kvazımemlekettik sektordyń, ásirese salyqshylar men kedenshilerdiń qyzmetinde sybaılas jemqorlyq táýekelderin anyqtaýǵa baǵyttalǵan.
Al eki jyl ishinde sybaılas jemqorlyqqa qarsy eldik qozǵalysqa aınalǵan «Adaldyq alańy» baǵdarlamasy kún saıyn úlken tanymaldylyqqa ıe bolýda.
Elordada bastalǵan jáne Elbasynyń tapsyrmasy boıynsha búkil elge aýqymdy bul joba turmystyq sybaılas jemqorlyqty joıýdyń jáne sybaılas jemqorlyqqa qarsy mádenıetti damytýdyń jalpyulttyq ıdeıasyn ilgeriletýdiń tolyqqandy brendine aınaldy.
«Budan basqa, «Adaldyq alańy« jobalyq keńseleri sheńberinde memlekettik organdardy aýqymdy transformatsııalaý, olardyń qyzmet kórsetýdiń servıstik modeline kóshýine bastamashylyq etildi. Bul ár túrli deńgeıdegi 200-den astam ashyq servıstik ákimdik, shamamen 2 myń kedergisiz front-ofıs jáne open space, sonyń arqasynda memlekettik qyzmetshiler sózdiń týra maǵynasynda halyqqa jaqyndaıdy, al azamattar qyzmetterdi yńǵaıly jáne túsinikti jaǵdaılarda alady.
Bul arada sybaılas jemqorlyqqa qarsy is-qımyldyń aldyn alý tetiginde sybaılas jemqorlyqqa qarsy aǵartý jáne tárbıeleý mańyzdy ról atqaratyndyǵyn aıta ketken jón», deıdi ol.
«Birinshi kezekte, azamattardyń problemalyq máselelerin sheshý boıynsha pármendi sharalar qabyldaı otyryp, halyqtyń quqyqtyq saýattylyǵyn arttyrýǵa kóńil bólinedi.
Bul jumystyń trıggeri – «Adal kómek« eriktiler jobasy, ony iske asyrý úshin patrıottyq jáne qoǵamnyń taǵdyryna beı-jaı qaramaıtyn, quqyqtyń ártúrli salalarynda mamandandyrylǵan bilikti zańgerler tartylǵan.
Joba aıasynda 2,5 myńǵa jýyq zańgerlermen azamattardyń 18 myńnan astam suraqtary boıynsha túsiniktemeler berildi.
Halyqpen syndarly dıalog qurýdyń, parasattylyqty nasıhattaýdyń jáne sybaılas jemqorlyqty jalpy qabyldamaýdyń taǵy bir quraly respýblıkalyq jáne óńirlik aqparattyq-aǵartýshylyq shtabtar boldy.
Olardyń maqsaty barlyq derlik áleýmettik jelilerde jobalyq keńselerdiń qyzmetin keńinen jarııalaý bolyp tabylady».
Osy jyldyń basynan bastap sybaılas jemqorlyqqa múldem tózbeýshilikti qalyptastyrý taqyrybynda 1700-den astam tikeleı efır uıymdastyryldy.
Sondaı-aq, Seriktestik departamenti dırektorynyń atap ótýinshe, ekonomıkadaǵy tsıkldik daǵdarys qubylystary aıasynda otandyq bıznesti de, syrtqy ınvestorlardy da qoldaý jáne qorǵaýdy qamtamasyz etý máseleleri ózekti bolyp otyr.
Memleket tarapynan osyndaı qoldaý nysandarynyń biri «Protecting Business and Investment» nemese PBI jobasy, ol bıznes úshin ózindik quqyqtyq qalqan bolyp tabylady, joba arqyly shamamen 12 trln teńgege 500-den astam otandyq jáne sheteldik ınvestıtsııalyq jobalardy súıemeldeý qamtamasyz etiledi.
«Memleket basshysy 24 myń shaqyrym joldy rekonstrýktsııalaý jáne jol servısimen qamtamasyz etý turǵysynan aýqymdy mindetterdi aıqyndaǵan bolatyn. Al bul, shyn máninde respýblıkalyq mańyzy bar joldar.
Osy mindetterdi iske asyrý úshin Agenttik «Sapaly jol« jobasyn usyndy. Jobanyń sátti tájirıbesi nátıjesinde 12 mlrd teńge únemdeldi.
Bizdiń barlyq bastamalarymyz el basshylyǵy men jurtshylyq tarapynan qoldaý tapty.
Buǵan qosymsha mysal retinde azamattardyń bıýdjetti qalyptastyrý jáne jumsaý protsesine qoljetimdiligin qamtamasyz etý arqyly memleketti basqarýǵa qoǵamdyq qatysýǵa baǵyttalǵan «Ashyq bıýdjetterdiń ınteraktıvti kartasyn« iske asyrý bolyp tabylady», deıdi R. Medetov.
Bul arada qoǵam men memleket arasyndaǵy qashyqtyqty qysqartý arqyly azamattyq qoǵam qurý, memlekettik apparattyń halyq aldyndaǵy barynsha ashyqtyǵy aıasynda osy jyldyń basynda qurylǵan Agenttik janyndaǵy Qoǵamdyq keńes mańyzdy ról atqaratyndyǵyn aıta ketsek artyqtyq etpes. Keńes úlken kásibı jáne ómirlik tájirıbesi bar bedeldi jáne qurmetti qoǵam qaıratkerlerinen qurylǵan.
Keńes músheleri sondaı-aq agenttigi ázirlegen NQA, onyń ishinde sybaılas jemqorlyqqa qarsy ǵylymı saraptama júrgizý máseleleri; sybaılas jemqorlyqqa qarsy qyzmette qyzmet etken qyzmetkerlerge eńbek sińirgen jyldary úshin zeınetaqy tólemderin taǵaıyndaý jáne júzege asyrý; sybaılas jemqorlyq táýekelderine syrtqy taldaý júrgizý qaǵıdalary boıynsha NQA-ǵa saraptamalyq baǵa beredi.
«Bizdiń bastamalarymyzdy qoldaýdyń arqasynda Agenttik búginde Memleket basshysy jarııalaǵan «Halyq únine qulaq asatyn memleket« tujyrymdamasyn iske asyrý sheńberinde halyqpen syndarly dıalogty qamtamasyz etedi.
Qoǵam men Antıkordyń kúsh-jigeriniń sınergııasy joǵary deńgeıde estilip, baıqaldy, nátıjesinde Memleket basshysy «qoǵamdyq baqylaý týraly« Zańdy ázirleý jáne qabyldaý týraly bastamany qoldady.
Onyń qabyldanýymen ashyqtyq, baqylaýda bolý, memlekettiń qoǵamǵa eseptiligi esebinen sapaly áleýmettik-ekonomıkalyq ózgeristerdiń jańa kezeńi bastalady», - dep túıindedi Seriktestik departamentiniń dırektory.