Júrgizýshi kóz jumyp, 15 jolaýshy zardap shekti: Aqmolada balalar otyrǵan mıkroavtobýs jol apatyna ushyrady
KÓKShETAÝ. KAZINFORM – Aqmola oblysynda balalar otyrǵan mıkroavtobýs jol apatyna ushyrady. Saldarynan bir adam kóz jumyp, 15 jolaýshy aýrýhanaǵa jatqyzyldy.
Aqmola oblysy PD baspasóz qyzmetiniń málimetinshe, jol apaty 4 jeltoqsan kúni «Kókshetaý-Atbasar» tas jolynyń 128 shaqyrymynda bolǵan.
Anyqtalǵandaı, «Mercedes-Benz Sprinter» kóliginiń 62 jastaǵy júrgizýshisi qar tazalaıtyn kólikten aınalyp ótý kezinde joldyń qarsy baǵytynda kele jatqan «Nissan Primera» kóligimen soqtyǵysqan. Saldarynan jeńil kóliktiń 20 jastaǵy júrgizýshisi oqıǵa ornynda kóz jumdy. Al, 15 jolaýshy, onyń ishinde 7 bala túrli dene jaraqatymen Sandyqtaý aýdandyq aýrýhanasyna jatqyzyldy.
«Qazirgi kezde «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzý deregi» boıynsha is qozǵalyp, sotqa deıingi tergeý amaldary qolǵa alynyp, birqatar saraptamalar taǵaıyndaldy», - vedomstvodan.
Aıta ketsek, budan buryn Aqmola oblysynda 11 kólik soqtyǵysqan iri jol apaty bolǵanyn jazǵan edik.
