Júrgizýshilerge arnalǵan ınternetsiz jumys isteıtin qosymsha ázirlenip jatyr

NUR-SULTAN. QazAqparat – Elimizde jol boıyndaǵy nysandar týraly málimet beretin qosymsha ázirlenip jatyr. Bul týraly «QazAvtoJol» UK basqarmasy tóraǵasynyń orynbasary Erjan Ótebaev elordada ótken brıfıngide aıtty, dep habarlaıdy QazAqparat tilshisi.

«Qazirgi ýaqytta mobıldi qosymsha ázirlenip jatyr. Ol júrgizýshilerge óz baǵdaryn túzýge, jol boıyndaǵy barlyq nysandarmen aldyn ala tanysýǵa múmkindik beredi. Nysandardyń reıtıngisimen jáne pikirlermen tanysyp, demalý úshin qaı jerge toqtaıtynyńyzdy aldyn ala josparlaı alasyz. Eń mańyzdy qosymsha Internetsiz de jumys isteıtin bolady», - dedi Serik Erjan Ótebaev.

Onyń atap ótýinshe, qosymsha osy jyldyń jeltoqsan aıynda barlyq qoldanýshylar úshin qoljetimdi bolady.