Jumyspen qamtýda ózgerister bolady - vıtse-premer
«Qazaqstannyń úshinshi jańǵyrýy aıasynda ekonomıkalyq ósimniń jańa modeli aıqyndaldy. Ol ekonomıkanyń ártaraptandyrylýyna, jeke sektordyń kósh bastaýshy róli men eńbek ónimdiligin arttyrýǵa negizdelgen. Ekonomıka salalaryndaǵy eńbek ónimdiligin kem degende 50 paıyzǵa arttyrý kútilýde. Sonymen qatar, biz jańa tehnologııalardyń damýymen jáne tsıfralandyrýmen ushtasatyn qazirgi zamanǵy jahandyq ózgeristerdi eskerýimiz qajet. Jańa jaǵdaılarda jumys kúshiniń sapasyna, biliktiligine jańa talaptar qoıylatyn bolady. Eski kásipterdiń ózgerýi nemese tipti joǵalyp ketýi de jáne bolashaqta jańa kásipter paıda bolady dep boljanady. Salalar da ózgeristerge ushyraıdy, óndirýshi salalarǵa jumys kúshiniń aǵyny kóbeıedi», - dedi E. Dosaev.
Sonymen qatar ol jahandyq ózgeristermen qatar, ishki ózgerister de bolatynyn atap ótti.
«Máselen, ómir súrý uzaqtyǵynyń ulǵaıýymen qatar, 2000-shy jyldardyń ortasynan oryn alǵan bebı-bým eńbek naryǵyna qosymsha júkteme ákeledi. Osylaısha, bir jaǵynan naryq talaptaryna sáıkes keletin óndirýshi jumys oryndaryn qurýdy qamtamasyz etý, ekinshi jaǵynan suranysqa ıe bilikti kadrlardy daıarlaý qajet. Bul Úkimet pen oblys jáne respýblıkalyq mańyzy bar qalalar ákimderiniń aldyna qoıylǵan ortaq mindet. Osy mindetti sheshýdiń negizgi quraly - jańa «Nátıjeli jumyspen qamtýdy jáne jappaı kásipkerlikti damytý» baǵdarlamasy olyp otyr», - dedi vıtse-premer.
Onyń atap ótýinshe, daǵdarys kezeńderinde mańyzdy máseleler biri retinde jumyspen qamtýǵa járdemdesýdiń ýaqytsha sharalary eskerilgen. Onyń ishinde ınfraqurylymdyq jobalar arqyly jumyspen qamtýdy qoldaý bolsa, onda qazirgi kezde óndirýshi jáne turaqty jumys oryndaryn qurýǵa, sondaı-aq ekonomıkanyń jańa talaptaryna jaýap beretin mamandardy daıarlaýǵa basty nazar aýdarylǵan.
«Baǵdarlama iske asyryla bastaǵannan beri 556 myń qatysýshy turaqty jumysqa ornalastyryldy», - dedi E. Dosaev.
