Jumys oryndarynyń ornyqtylyǵyn qamtamasyz etý Qazaqstannyń halyqaralyq deńgeıdegi ekonomıkaǵa qabilettiligin kórsetedi - K. Másimov
Búgin elordada «Jańa onjyldyq: Bolashaqtar men talaptar» atty IV Astanaks0 ekonomıkalyq forým barysynda sóz sóılegen QR Premer-Mınıstri Kárim Másimov osylaı málim etti.
«Biz óz áleýetimizdi nyǵaıta otyryp, múmkindikterimizdiń ornyqty, uzaqmerzimdi josparda qaralýyn qamtamasyz etýge tıispiz. Qazaqstan tolyǵymen ındýstrııalanǵan elder qataryna kirýi úshin biz búgingi shyǵaryp, óndirip otyrǵan dúnıelerimizdiń deńgeıinde toqtap qalmaýymyz kerek. Bizge jańa joǵary qosylǵan quny bar taýarlardy kóbirek shyǵarý qajet. Árıne, álemdik naryqtaǵy báseke asa ótkir ári ol barǵan saıyn aıqyn seziledi. Dál sondyqtan da, Qazaqstanǵa ınnovatsııalyq baǵytty damyta túsý óte qajet», - dedi K. Másimov. Onyń aıtýynsha, jumys oryndarynyń ornyqtylyǵyn qamtamasyz etý de Qazaqstannyń halyqaralyq deńgeıdegi ekonomıkaǵa qabilettiligin kórsetetin bolady.
«Sonymen qatar, bizden óndiris qýatymyzdy ártaraptandyrý talap etiledi. Bul óz kezeginde eńbekpen qamtýdy, bilim men densaýlyq saqtaýdyń sapalylyǵyn, laıyqty bilim berýdi artyrýǵa járdem bolady. Sondyqtan da, osy baǵytta memleket taarpynan salynǵan ınvestıtsııalar kólemi artyp otyr. Árıne, damý baǵytynda jeke kapıtaldyń da tıimdi deńgeıde jumys isteýi mańyzdy ról atqaratyny túsinikti. Sol úshin de biz ınvestıtsııalyq ortany jaqsartý jumystaryn atqaryp, bul saladaǵy bıýrokrattyq kedergilerdi joıýmen qatar, jekemenshik quqyǵyn nyǵaıtýdamyz», - dedi K. Másimov.
