Jumysshylar eńbekaqysy qalaı ósedi
ASTANA. KAZINFORM – Memleket basshysy 2025 jyldy «Jumysshy mamandyqtary jyly» dep jarııalaýdy jáne olardyń mártebesin kóterýdi usynǵan edi. Osy oraıda Eńbek jáne halyqty áleýmettik qorǵaý mınıstrligi jumysshylar eńbekaqysynyń qalaı artatynyn túsindirdi.
«Memleket basshysy Qazaqstan halqyna kezekti joldaýynda 2025 jyldy «Jumysshy mamandyqtary jyly» dep jarııalaýdy jáne olardyń mártebesin kóterýdi usyndy jáne eń aldymen, sý, energetıka, qurylys jáne basqa da salalarda qatty baıqalyp otyrǵan kadr tapshylyǵyn joıý qajettigin atap ótti. Alaıda eńbek zańnamasyna sáıkes Eńbek mınıstrligi memlekettik bıýdjet qarajaty esebinen ustalatyn uıymdary qyzmetkerleriniń eńbekaqysyn retteıdi», - dep jazylǵan salalyq mınıstrliktiń resmı jaýabynda.
Prezıdent tapsyrmasyna sáıkes, 2022 jyldan bastap bıýdjet salasy qyzmetkerleriniń jekelegen sanattarynyń, onyń ishinde jumysshy mamandyqtardyń jalaqysy jylyna orta eseppen 20%-ǵa kezeń-kezeńimen kóterilýde. Nátıjesinde 2025 jylǵa qaraı olardyń jalaqysy 2 esege artady.
«Óz kezeginde jeke menshik nysanyndaǵy uıymdardaǵy qyzmetkerler jalaqysynyń mólsheri eńbek, ujymdyq sharttarmen belgilenedi jáne ol jumyskerdiń bilimine, oryndalatyn jumystyń kúrdeliligi men sapasyna qaraı belgilenedi», - deıdi mınıstrlik.
