«Jumysqa ornalastyramyn»: Atyraýda 15 adamdy aldap, aqsha alǵan turǵyn ustaldy

Atyraýda 15 adamdy jumysqa ornalastyryp beremin degen kúdikti ustaldy. Ol týysy arqyly jábirlenýshilerdiń 2 mln 250 myń teńgesin aldap alǵan, dep habarlaıdy Kazinform. 

Atyraý qalalyq polıtsııa basqarmasy №2 polıtsııa bóliminiń krımınaldyq polıtsııa jáne tergeý bóliminiń qyzmetkerleri ustaǵan kúdiktiniń jasy – 28-de.

«Alaıaqtyq jolmen aqsha tabý maqsatynda ózgelerdi jumysqa ornalastyryp beremin dep aldaǵan 1995 jylǵy turǵyn ustaldy. Tekserý jumystary kezinde kúdikti 2022 jyldyń qazan aıynda materıaldyq jaǵdaıyn jaqsartý «isin» bastaǵany anyqtaldy. Aldymen 1977 jylǵy týysqanyn Atyraý qalasyndaǵy iri mekemede vahtalyq aýysymmen jumys isteıtinine sendirgen. Týysqanyna adamdardy jumysqa ornalastyryp bere alamyn, bul úshin 150 myń teńge kóleminde aqsha berý kerek ekenin aıtqan. Osylaısha kúdikti týysy arqyly 15 adamǵa jalǵan aqparat berip, árqaısysynan 150 myń teńge kóleminde aqsha alyp, boı tasalap ketken. Nátıjesinde 15 jábirlenýshige 2 mln 250 myń teńge kóleminde shyǵyn kelgen», - dep habarlady oblystyq polıtsııa departamentiniń baspasóz qyzmeti.

Polıtsııa qyzmetkerleriniń aıtýynsha, 28 jastaǵy kúdikti ózgelerdi aldaý nemese senimdi teris paıdalaný jolymen bótenniń múlkine quqyqty ıemdený turǵysyndaǵy qylmystyq quqyq buzýshylyq áreketin jasaǵan. Qazir kúdiktige qatysty QR Qylmystyq kodeksiniń 190-babynyń 3-bóligi 4-tarmaǵyna sáıkes qylmystyq is tergelip, sotqa joldandy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.

Eske sala ketelik, budan buryn Atyraýda 15 mln teńgeni ıemdendi dep ustalǵan kelinshek emizýli balasy bolǵany úshin úıqamaqqa shyqqanyn jazǵan bolatynbyz.