Jumbaq ólim: Grýzııa meıramhanalarynyń birinde 12 qyzmetkerdiń máıiti tabyldy

ASTANA. KAZINFORM – Grýzııa Іshki ister mınıstrliginiń qyzmetkerleri Gýdaýrı taý shańǵysy kýrortynda meıramhananyń 12 qyzmetkeriniń máıitin tapty. Bul týraly vedomstvonyń málimdemesinde aıtylǵan, dep habarlaıdy TASS agenttigi.

— Gýdaýrıdegi úndi meıramhanasynyń ekinshi qabatyndaǵy jatyn bólmeden mekemede jumys istegen 12 adamnyń máıiti tabyldy. Máıitterdi aldyn ala qaraý kezinde zorlyq-zombylyq belgileri anyqtalmady. Sondaı-aq, tergeýdiń aldyn ala nusqasy boıynsha, keshe elektr qýaty sóngennen keıin qosylǵan generator tabyldy, delingen habarlamada.

Qaıtys bolǵan 12 adamnyń 11-i sheteldik, bireýi Grýzııa azamaty. Oqıǵaǵa baılanysty jedel-izdestirý sharalary júrgizilýde, oqıǵa ornynda sot-medıtsınalyq sarapshylar jumys istep jatyr. 

Tıisti saraptamalar taǵaıyndaldy. Ólimniń naqty sebebin anyqtaý úshin sot-medıtsınalyq saraptama taǵaıyndaldy, dep qosty Іshki ister mınıstrligi.