Juma kúni kún raıy qandaı bolady

ASTANA. KAZINFORM –  «Qazgıdromet» RMK málimetinshe juma kúni birneshe óńirde naızaǵaı oınap, burshaq jaýyp, daýyl soǵady.  

Astanada naızaǵaı bolyp, kúndiz burshaq jaýyp, daýyl turady. Jel soltústik-batystan, ekpini 15-20 m/s, kúndiz keı jerlerde 23 m/s-qa deıin jetedi.

Abaı oblysynyń batysynda, soltústiginde jáne ońtústiginde kúndiz naızaǵaı bolyp, burshaq jaýyp, daýyl turady. Jel ekpini soltústik-batystan, oblystyń batysy, ońtústigi men ortalyǵynda 15-20 m/s jetedi. Kúndiz oblystyń ońtústiginde 35 gradýsqa deıin aptap ystyq bolady. Oblystyń soltústik-batysy men ońtústiginde tótenshe órt qaýpi, ońtústik-shyǵysynda joǵary órt qaýpi saqtalady.

Aqmola oblysynyń batysynda, soltústiginde jáne shyǵysynda nóser bolyp, kúndiz burshaq jaýyp, daýyl turyp, naızaǵaı kútiledi. Jel soltústik-batystan soǵyp ekpini 15-20 m/s, kúndiz soltústikte, shyǵysta jáne ońtústikte ekpini 23-28 m/s jetedi. Batys óńirde tótenshe órt qaýpi saqtalady.

Aqtóbe oblysynyń batysy men soltústiginde túnde 2 gradýsqa deıin úsik júredi. 

Almaty oblysynyń ońtústiginde jáne taýly aýdandarynda kúndiz keı jerlerde jańbyr, burshaq jaýyp, daýyl turyp, naızaǵaı bolady. Ońtústik-batystan, batys, soltústik, ońtústik jáne taýly aýdandarda soqqan jeldiń ekpini 18-23 m/s jetedi. Oblystyń ortalyǵynda joǵary, batysy men soltústiginde tótenshe órt qaýpi saqtalady.

Atyraý oblysynyń batysynda, soltústiginde jáne shyǵysynda joǵary, ońtústiginde tótenshe órt qaýpi saqtalady.

Shyǵys Qazaqstan oblysynyń batysynda, soltústiginde kúndiz naızaǵaı bolyp, burshaq jaýypjáne daýyl turady. Jel ońtústik-batystan soltústik-batysqa aýysady, kúndiz ekpini 15-20 m/s jetedi.

Ońtústikte 35 gradýsqa deıin aptap ystyq bolady. Ońtústik-shyǵysynda tótenshe, ońtústik-batysynda joǵary órt qaýpi saqtalady.

Jambyl oblysynyń taýly aımaqtarynda kúndiz jańbyr jaýady. Soltústiginde, ońtústiginde jáne taýly aımaqtarynda naızaǵaı, burshaq jáne daýyl kútiledi.
Soltústik pen ońtústikte shańdy daýyl turady. Soltústik-batystan, ońtústik-batys, soltústik-shyǵys pen taýly aýdandarda jel ekpini 15-20 m/s, kúndiz ekpini 23 m/s jetedi. Soltústiginde jáne ońtústiginde joǵary, batysy men shyǵysynda tótenshe órt qaýpi saqtalady.

Batys Qazaqstan oblysynyń ońtústigi men shyǵysynda naızaǵaı bolady.

Qaraǵandy oblysynyń batysynda, soltústiginde jáne shyǵysynda túnde naızaǵaı bolyp, kúndiz batys, soltústik pen ońtústik-shyǵysta burshaq jaýyp, daýyl turady.
Ońtústik-batystan, túnde batys pen soltústikte jel ekpini 15-20 m/s, kúndiz keı jerlerde 23-28 m/s jetedi. Oblystyń shyǵysynda joǵary órt qaýpi saqtalady.

Qostanaı oblysynyń shyǵysy men ońtústiginde jańbyr jaýyp, naızaǵaı kútiledi. Kúndiz soltústigi, shyǵysy men ońtústiginde burshaq jaýyp, daýyl turady.
Túnde jáne tańerteń batysyn tuman basady. Soltústik-batystan, kúndiz soltústik, shyǵys jáne ońtústikte jel ekipni 15-20 m/s, keı jerlerde 23-28 m/s jetedi.
Ońtústikte joǵary órt qaýpi kútiledi.

Qyzylorda oblysynyń shyǵysynda naızaǵaı bolyp, daýyl turady, soltústigi men ortalyǵynda shańdy daýyl kútiledi. Batystan, soltústik-batystan, túnde soltústik pen ortalyqta jel ekpini 15-20 m/s, kúndiz 15-20 m/s, ortalyqta 25 m/s jetedi. Tótenshe órt qaýpi saqtalady.

Mańǵystaý oblysynyń batysynda túnde jáne tańerteń tuman kútiledi. Batys óńirde joǵary órt qaýpi saqtalady.

Pavlodar oblysynyń batysy, soltústigi men ońtústiginde tún jáne kúndiz naızaǵaı bolady, burshaq jaýyp, daýyl turady. Ońtústik-batystan, túnde batys, soltústik, ońtústikte jel ekpini 15-20 m/s, kúndiz 15-20 m/s, ekpini 25 m/s jetedi. Shyǵysta, batys pen ońtústikte tótenshe órt qaýpi saqtalady.

Soltústik Qazaqstan oblysynyń soltústigi, shyǵysy men ońtústiginde qatty jańbyr jaýady, naızaǵaı bolyp, kúndiz burshaq jaýyp, daýyl kútiledi.
Túnde jáne tańerteń batysynda tuman bolady. Soltústikten, soltústik-batystan, túnde soltústik, shyǵys, ońtústikte jel ekpini 15-20 m/s, kúndiz 15-20 m/s, keı jerlerde 23-28 m/s jetedi.

Túrkistan oblysynyń ońtústigi, batysy jáne taýly aımaqtarynda tańerteń jáne kúndiz naızaǵaı bolady. Soltústigi, batysy jáne shóleıt óńirlerinde shańdy daýyl turady. Soltústik-batystan, soltústik, ońtústik, batys, shóleıt jáne taýly óńirlerde jeldiń ekpini 15-20 m/s, ekpini 23 m/s jetedi. Soltústigi men shóleıt, taýly aımaqtarda tótenshe, ońtústikte joǵary órt qaýpi saqtalady.

Ulytaý oblysynda kúndiz naızaǵaı bolady. Batystan, soltústik-batystan, soltústik, shyǵys jáne ortalyq óńirlerde jel ekpini 15-20 m/s, kúndiz keı jerlerde 23-28 m/s jetedi. Ońtústik, shyǵys jáne ortalyq óńirlerde tótenshe órt qaýpi saqtalady.