19:04, 02 Aqpan 2023 | GMT +6
Júksalǵyshtan «adam aıaǵy» salbyrap tur: Kólik júrgizýshisi ustaldy
PETROPAVL. QazAqparat – Petropavlda aıaq kıimi bar adam aıaǵynyń mýlıajyn kóliginiń júk salǵyshynan salbyratyp, kóshede júrgen jas jigit tabylyp, oǵan aıyppul salyndy, dep habarlaıdy QazAqparat Rolisia.kz-ke silteme jasap.
2 aqpan kúni Petropavl qalasynyń áleýmettik jelilerdegi pablıkterinde vıdeo tarady. Onda avtokóliktiń júk salǵysh bóliginen aıaq kıimi bar adamnyń eki aıaǵy shyǵyp turǵan.
«Tártip saqshylary VAZ-2112 avtokóliginiń 22 jastaǵy júrgizýshisin ustady.
Qala turǵynyna qatysty QR Ákimshilik quqyqbuzýshylyq týraly kodekstiń 590-baby 5-bóligi («Kólik quraldaryn paıdalaný qaǵıdalaryn buzý») boıynsha hattama toltyryldy.
Sondaı-aq jas jigitpen profılaktıkalyq áńgime júrgizildi», - delingen polıtsııa málimetinde.
