JTS tóleý merzimi ózgerdi: jańa talaptar qandaı
ASTANA. KAZINFORM — Salyq zańnamasyndaǵy ózgeristerge baılanysty jeke praktıkamen aınalysatyn azamattar úshin mańyzdy merzimder jańartyldy. Endi 2025 jyldyń qańtar–qyrkúıek aılary úshin jeke tabys salyǵyn tóleý tártibi ózgerip, deklaratsııa tapsyrý protsesi jańa aqparattyq júıe arqyly júzege asyrylady. Bul týraly Memlekettik kirister komıteti málim etti.
— Salyq kodeksine engizilgen ózgeristerge, onyń ishinde jeke praktıkamen aınalysatyn adamdar (JPAA) jeke tabys salyǵyn (JTS) tóleý merzimderiniń ózgerýine baılanysty, 2025 jyldyń qańtar–qyrkúıek aılary aralyǵyndaǵy kezeń úshin JTS bir jolǵy tártippen 2025 jylǵy 5 qazannan keshiktirilmeı tólenýi tıis. Atalǵan kún demalyskúnine sáıkes kelgendikten, tólem merzimi 2025 jylǵy 6 qazanǵa aýystyryldy, — delingen habarlamada.
Sonymen qatar, IS SONO aqparattyq júıesi kezeń-kezeńimen paıdalanýdan shyǵarylyp jatqanyn nazarlaryńyzǵa salamyz. Osyǵan baılanysty, 270.00 nysanyndaǵy kirister men múlik týraly deklaratsııany (budan ári — 270.00 nysany) Salyqtyq ákimshilendirýdiń ıntegratsııala nǵan aqparattyq júıesi (ISNA) arqyly usyný qajet.
Sonymen birge, jańartýlar tolyq aıaqtalǵanǵa deıin Komıtet JPAA-ǵa 270.00 nysanyndaǵy deklaratsııany ISNA arqyly 2026 jylǵy 15 sáýirden keıin tapsyrýdy usynady.
Komıtet 2025 jyl úshin 270.00 nysanyndaǵy deklaratsııa — 2026 jylǵy 15 qyrkúıekten keshiktirmeı tapsyrylýy tıis ekenin eske salady.
Al jeke tabys salyǵyn esepteýde AEK-tiń qaı mólsheri qoldanylatynyn myna siltemeden oqyńyz.