JSDP tóraǵasy Ashat Rahymjanov saılaýda daýys berdi
Ashat Rahymjanov Astana qalasyndaǵy №158 saılaý ýchaskesinde óz tańdaýyn jasady. Munda 2 922 daýys berýshi tirkelgen.
«Búgin men ózimniń saılaý ýchaskeme kelip, qarapaıym el azamaty retinde tańdaýymdy jasadym. Ózderińiz biletindeı, ótken jyly referendým ótti. Onyń nátıjesinde saılaý júıesine jáne depýtattar korpýsyn qalyptastyrý protsesine ózgerister engizildi. Bul óz kezeginde elimizdegi saıası júıeniń ózgerýine áser etedi», - dedi Ashat Rahymjanov.
Eske salaıyq, QR Konstıtýtsııasyna sáıkes, Parlament Májilisi aralas saılaý júıesi boıynsha Konstıtýtsııalyq zańda belgilengen tártippen saılanatyn 98 depýtattan turady. Biryńǵaı jalpyulttyq saılaý okrýgi aýmaǵy boıynsha, ıaǵnı partııalyq tizim boıynsha Májilistiń - 69 depýtaty, bir mandatty aýmaqtyq saılaý okrýgteri boıynsha 29 depýtat saılanady.
19 qańtarda Memleket basshysy Qasym-Jomart Toqaev jetinshi saılanǵan Parlament Májilisin taratý jáne 19 naýryz kúni Parlament Májilisi depýtattarynyń kezekten tys saılaýyn belgileý týraly Jarlyqqa qol qoıǵan edi. Bul kúni Májilispen qatar máslıhat depýtattaryn da kezekten tys saılaý usynyldy.
Búgin 12 mıllıonǵa jýyq azamat tańdaý jasaı alady. Aldyn ala turǵylyqty jeri boıynsha 11 970 406 saılaýshy anyqtaldy. Saılaýshylardyń eń kóbi – 1 177 507 saılaýshy Túrkistan oblysynda, al eń azy – 138 277 saılaýshy Ulytaý oblysynda tirkelgen.
