JRVI-diń asqynǵanyn qalaı bilemiz – maman keńesi

ASTANA. KAZINFORM – Densaýlyq saqtaý mınıstrliginiń shtattan tys bas balalar ınfektsıonısi Dınagúl Baesheva ortalyq kommýnıkatsııalar qyzmetinde ótken baspasóz máslıhatynda jiti respıratorlyq vırýstyń asqyný belgilerin atady.

- 5 jasqa deıingi balalardyń ata-anasyna myna sımptomdardy bilý óte mańyzdy. Kel kelgen ınfektsııa kezinde bala tamaq pen sý ishpese, jaǵdaıy nasharlap, dene qyzýy dári ishkennen keıin de túspeı qoısa, demigip, qaltyrasa, toqtaýsyz jylasa nemese uıqydan bas almaı, maýjyraǵan kúıde bolsa, mindetti túrde medıtsınalyq kómekke júginýge negiz bolatyn belgi bar degen sóz. Bul aýrýdyń aýyr ótip jatqany degen sóz. Al uzaqqa sozylsa, syrqaty asqyndy degen sóz, - dedi ol.

Onyń aıtýynsha JRVI asqynsa, aǵzanyń birneshe bóligine zaqym keledi.

- Asqyný ár túrli bola alady. JRVI kezinde tynys joldary syr berip, bronhıolıt, bronhıt, pnevmonııa, qulaq bet súıeginiń murynǵa jalǵasqan qýystary qabynýy múmkin. Tumaý bolsa, mı da, júrek te, ókpe de, búırek te zaqymdalýy múmkin. Sondyqtan tumaý máselesin búgin erekshe qarap otyrǵan shyǵarmyz, - dedi maman.

Buǵan deıin Densaýlyq saqtaý mınıstri Aqmaral Álnazarova bıyl vırýstardyń órshýi jeltoqsannyń ortasyna deıin jalǵasýy múmkin ekenin aıtqan edi.