Jozep Borrell shetelde turatyn EO azamattaryna úndeý jasady
ASTANA. KAZINFORM – Eýroodaqtyń Cyrtqy ister jáne qaýipsizdik saıasaty jónindegi Joǵarǵy ókili Jozep Borrelm EO-ǵa múshe elderdiń shetelde turatyn azamattaryna jeke úndeý jasady. Bul týraly ol X áleýmettik jelisindegi paraqshasynda jarııalady.
J. Borreldiń úndeýi shetelde turatyn EO azamattaryn 2024 jyldyń 6-9 maýsymy aralyǵynda ótetin Eýroparlament saılaýyna belsendi qatysýǵa yntalandyrýǵa baǵyttalǵan.
«Aldaǵy aıda biz jańa Eýroparlamentti saılaımyz. Eýroodaq Gazadaǵy qaqtyǵysty toqtatyp, eki memleket týraly sheshimdi júzege asyrýǵa tyrysýda. Bul kúrdeli másele ekenin bilemin. Osy problemanyń barlyǵy siz turatyn aımaqqa qaramastan ózińizge tikeleı áser etýi de etpeýi de múmkin. Qazirgi kezde álemniń túrli elderimen baılanys ornatyp jatyrmyz. Biz beıbitshiliktiń ornaýyn, quqyqtyń saqtalýyn, órkendeýdi qalaımyz. Eger siz Eýroparlament saılaýynda daýys berseńiz, bul Eýropalyq Odaqty búkil álemge yqpaldy etedi. Sondyqtan barlyǵyńyzdy saılaýǵa belsendi túrde qatysýǵa shaqyramyz», - dep atap ótti Borrel.
Eske sala ketsek, ashyq esikter kúni Eýroparlamentke qazaqstandyq otbasy keldi. 4 mamyrda Eýropanyń negizgi ınstıtýttary – Eýroparlament, Eýropalyq komıssııa, Eýropalyq keńes jáne taǵy basqalaryna esigin aıqara ashty.
“Next month, we will elect new European Parliament, a key political player also for our role in the world to supporting peace, development, human rights”.
— European External Action Service - EEAS 🇪🇺 (@eu_eeas) May 12, 2024
HR/VP @JosepBorrellF addresses the EU citizens living abroad, to encourage them to vote & contribute to make the EU stronger pic.twitter.com/0dP2ZYTTXN
