«Joldy Reseı jaǵy baılap tur» - baspasózge sholý
«Egemen Qazaqstan» gazetinde «Júzbeli saýda núktesi» atty maqala berilgen. Atyraýda alǵash ret Jaıyq ózeninde júzbeli saýda núktesi ashylyp, balyq pen balyq ónimderin usyna bastady. Óńir jurtshylyǵyna arzan baǵamen «sý marjanyn» satýǵa «Amangeldi» óndiristik kooperatıvi oń qadam jasap otyr. Balyq aýlap, birneshe túrli balyq ónimderin shyǵaratyn kooperatıv basshysy Murat Ámirǵalıevtiń aıtýynsha, tiri balyq túrlerin satýǵa «Kazahrybhoz» qaýymdastyǵy usynys jasapty. Bul usynysqa jergilikti ákimdik qoldaý bildiripti. Jaıyq ózeni ústindegi júzbeli saýda núktesi tańǵy saǵat 10-nan keshke deıin jumys jasaıdy. Munda satylatyn balyqtyń baǵasy qala bazarlaryndaǵydan áldeqaıda, tipti eki esege jýyq arzan deýge bolady. Máselen, tiri sazannyń bir kılosy 300 teńgeden saýdalanady. Tiri balyqtyń túrine qaraı baǵa da ártúrli, eń arzany 80 teńge bolsa, eń qymbatynyń baǵasy 350 turady. Buǵan turǵyndar da rızashylyǵyn alǵashqy kúnnen bildire bastady.
Osy basylymda «Aqyldy oqýshylar alamany» degen maqala jarııalandy. Eldik mereıimizdi asyrǵan taǵy bir ıgilikti shara elordada kórinis tapty. Ol fızıka páninen oqýshylardyń 45-shi Halyqaralyq olımpıadasy edi. Astanamyzdyń aıbynyn asyrǵan Beıbitshilik jáne kelisim saraıynda tusaýy kesilgen aqyldylardyń bilim saıysyn Bilim jáne ǵylym mınıstri Aslan Sárinjipov ashyp, 88 memleketten kelgen 1000-ǵa tarta adamǵa elimizdiń oqý júıesindegi strategııalyq maqsat, mindetterdi tanystyrdy. Ulttyq modeldiń basym baǵyty - zııatkerlik elıtany qalyptastyrý ekenin tilge tıek etti. Prezıdent Nursultan Nazarbaevtyń salaǵa jasap jatqan erekshe qamqorlyǵyn tarata aıtyp, daryndy oqýshylarymyzdyń álemdik bilim saıysynda top jaryp júrgenin, oǵan osynyń aldynda Sıngapýrda bolǵan olımpıadada úsh birdeı altyndy qanjyǵaǵa baılaǵanymyzdy dáıekke keltirdi. Ol budan keıin, tórtkúl dúnıeden bilim báıgesine kelgen 700 oqýshyǵa sát sapar tiledi.
***
«Elbasy ótken jyldardyń qatparynda qalǵan bir joldaýynda «2020 jyly halqymyz 20 mıllıonǵa jetýi tıis» degen áńgime qozǵaǵan. Bul taqyryp ár túrli ortada qyzý talqylandy. 20 mıllıondyq mejege jetý joldary qarastyryldy. Biraq ýaqyt óte kele Statıstıka komıteti 2020 jyly nebári 18 mıllıonnan asyp jyǵylamyz degen boljam jasaǵan. Nege? Ol jaǵy bizge endi belgisiz. Biraq 20 mıllıondyq deńgeıge kóterile almaýymyzdyń túrli sebepteri bar ekeni anyq. Árıne, eldegi áleýmettik jaǵdaıdyń tómendigi sóz joq demografııaǵa áser eteri ras. Bul - bir. Ekinshisi jastardyń úılenbeı júrip (jumyssyzdyq, ózge turmaq óz basyn durys asyraı almaýy) alýy»,- dep jazady «Aıqyn» gazeti búgingi sanyndaǵy «Qaıtsek kóbeıemiz?» atty maqalasynda. Demografııaǵa aıtarlyqtaı áser etip otyrǵan bir másele, qyz-kelinshekterimizdiń abort jasatýǵa tym úıirsektigi. Naqty derekterge súıener bolsaq, jyl saıyn elimizde 170 myń sábı jasandy túsiktiń qurbany bolady eken. Bul - tirkelgeni. Al tirkelmegeni qansha?..
Osy basylymda «Joldy Reseı jaǵy baılap tur» degen maqala berilgen. Qazaqstan bastamashy bolǵan «Batys Eýropa - Batys Qytaı» «mega-jobasynyń» ary qaraıǵy «taǵdyry» belgili boldy. Óıtkeni bul halyqaralyq avtokólik dáliziniń qurylysy bizdiń elimizde aıaqtalýǵa taıaý. Aspanasty eli de ózderine tıesili telimdi tolyq ashýǵa qyzý daıarlaýda. Alaıda jańa jobanyń Reseı Federatsııasy aýmaǵyndaǵy jalǵasy onsha jyljymaı turǵan edi. Ótken senbide Orynborda arnaıy uıymdastyrylǵan keńeste soltústik kórshimiz aqyry osyǵan qatysty óz josparyn jarııa etti. RF kólik mınıstri Maksım Sokolov «Batys Eýropa - Batys Qytaı» kólik dáliziniń ózderi jaýapty bóligin 2020 jylǵa qaraı retke keltirip bolatyndaryn habarlady: «Reseı osy halyqaralyq dálizge qatystyrylatyn kóliktik ınfraqurylymdy 2020 jylǵa qaraı qurýdy josparlap otyr» dedi ol.
Bir aıta keter jaıt, «Batys Eýropa - Batys Qytaı» baǵytynyń jalpy uzyndyǵy 8,5 myń shaqyrym. Onyń ishinde 3,4 myń shaqyrymy Qytaı aýmaǵyna keledi, taǵy 2,8 myńdaı shaqyrymy Qazaqstan jerin basyp ótedi, qalǵan 2,2 myń shaqyrymy Reseı aýmaǵy arqyly júredi. Soltústik kórshimizde osy «mega-joba» boıynsha negizgi jumystar Prıvoljskıı federaldy okrýginde júredi eken. Sarapshylar arasynda Reseıdiń «Batys Eýropa - Batys Qytaı» jobasyna nemquraıdy qarap otyrǵandyǵy, oǵan salýǵa qarjysynyń jetpeý múmkindigi týraly pikirler aıtylatyn, degenmen, onyń tabysty bolaryna bul el úkimetiniń de kózi jete bastaǵanǵa, tıisinshe, qarajat tabýǵa den qoıǵanǵa uqsaıdy.
***
«Ana tili» basylymynyń sońǵy sanynda «Turan-aýyl» týrızmge suranyp tur...» degen maqala jarııalandy. «Qazaq elinde tabıǵaty ásem, taý-tasy tarıhqa baı shuraıly jerler óte kóp. Osyny bile tura, ózimizde bardy baǵalaı almaı, shetelge aǵylatynymyz ekiniń birine aıan. Otandyq týrızmdi damytýǵa úles qosýdyń ornyna, qaltadaǵy qarjyny sheteldiń qorjynyna quıyp jatamyz. Buǵan eldegi demalys oryndarynyń jarnamasy joqtyǵy da sebep bolar. Onyń ústine boıymyzda eldegi demalys oryndarynyń qyzmet kórsetý sapasy nashar, baǵasy qymbat degen kúdik te basym»,- dep jazady maqala avtory. Jaqynda bir top jýrnalıster jol túsip, Jambyl oblysynyń Moıynqum aýdanyndaǵy «Balqash-Nursaıa» jaýapkershiligi shekteýli seriktestigine qarasty «Turan-aýyl» jastar lageriniń ashylý saltanatyna qatysqan eken. «Turan-aýyl» halyqaralyq jastar lageri - qazaqtyń tilin, salt-dástúrin, qolónerin, mýzykasyn, sportyn nasıhattaıtyn jáne ony álemdik mádenıettiń quramdas bóligi retinde ózge eldiń jastaryna kórsetetin biregeı ortalyq.
***
«Ekspress-K» gazetiniń búgingi sanynda «Syn - za ottsom» degen materıal basyldy. Interpol Іlııas Hrapýnovqa izdeý jarııalady. Almatynyń eks-ákimi Vıktor Hrapýnovtyń ulyna uıymdasqan qylmystyq top qurdy jáne basqardy, sondaı-aq qarjyny, zańsyz jolmen kelgen múlikti zańdastyrdy degen aıyp taǵylǵan. ***
«Arman dostar ordasy» atty respýblıkadaǵy eń úlken stýdenttik jataqhana Qaraǵandy memlekettik tehnıkalyq ýnıversıteti kampýsy ortalyǵynda salyndy, dep jazady «Kazahstanskaıa pravda» gazeti «Bolshoı stýdencheskıı dom» atty materıalynda. 9 qabatty jataqhana QR BǴM tapsyrysy boıynsha «Stýdenttik baspana» baǵdarlamasy aıasynda salyndy. Bul nysan 822 orynǵa eseptelgen eken. Bir sektsııaǵa eki bólmeden kiredi jáne ár bólme 2-3 adamǵa arnalǵan.
