Joldaýdyń ataýynyń ózinde úlken mán jatyr - Ǵalıasqar Sarybaev
«Elbasymyz osy ýaqytqa deıin 23 Joldaýyn halqyna joldap, ár jyl saıyn atqarylǵan aýqymdy ister men keleshekke josparlanǵan júıeli jumystyń retin qazaqstandyqtarǵa kórsetip otyrady. Bıylǵy Joldaýdyń basty ereksheligi - Elbasy «Nur Otan» partııasynyń bastamashyl 22 jobasynyń negizgi tiregi - bilim men densaýlyq salasyna erekshe kóńil bólip, «Ustaz mártebesin» joǵarylatýdy, arnaıy zań engizip, tuǵyryn bıik kóterýge usynys jasaýy boldy», - deıdi Ǵ. Sarybaev.
Partııa ókiliniń sózinshe, jańa Joldaýdyń ataýynyń ózinde úlken mán jatyr. ıAǵnı, «Qazaqstandyqtardyń ál-aýqatynyń ósýi: tabys pen turmys sapasyn arttyrý» dep atalýynyń ózi elimizde áleýmettik máselege erekshe nazar aýdarylyp, aldaǵy jyly turmystyq jaǵdaıdyń túzelýi úshin barlyq jaǵdaı jasalatynyn ańǵartatynyn aıtady.
«Biz qashanda «adamı kapıtaldy» saqtap, ulttyq tárbıemizdiń tuǵyryn ustap turǵan ustazdar qaýymynyń mártebesin kótersek, elimizdiń tynyshtyǵyn saqtaýda qyraǵylyq tanytyp júrgen memlekettik qyzmet, sot jáne ishki ister qyzmetiniń jumysyn ońtaılandyrsaq, bıznespen tabysymyzdy kúsheıtip, 30 aldyńǵy qatarly eldiń kóshine ilesýge umtylys jasasaq, turmystyń sapasy sózsiz artpaq. Elbasy aldaǵy jyly Úkimetke bıýdjetten bólinetin qyrýar qarjynyń qomaqty bóligin dál osy áleýmettik salanyń jaqsarýyna bólinip, maqsatty jumsalýyna qadaǵalaý jasaýdy tapsyrdy. Biz nurotandyqtar Elbasynyń bul bastamasyn qoldap qana qoımaı, óz tarapymyzdan berilgen barlyq tapsyrmalardyń ýaqytyly oryndalýyna birlesip kúsh jumsaımyz», - deıdi «Nur Otan» partııasynyń Almaty oblystyq fılıaly tóraǵasynyń birinshi orynbasary Ǵalıasqar Sarybaev.
