Joldaý júzege asýda: Qyzylordada jumysshylardyń jalaqysy kóteriledi
Oblystyq ekonomıka jáne bıýdjettik josparlaý basqarmasy basshysynyń mindetin atqarýshy Nurǵalı Qordabaıdyń málimdeýinshe, Elbasy Joldaýy jarııalanǵannan keıin oblys ákimdigi 56 tarmaqtan turatyn Óńirlik is-sharalar josparyn ázirlep, bekitti. Memleket basshysy Úkimetke 2019 jyldyń 1 qańtarynan bastap eń tómengi jalaqyny 1,5 ese, ıaǵnı 28 myńnan 42 myńǵa deıin ósirýdi tapsyrǵan bolatyn. Osyǵan oraı Joldaýdan týyndaıtyn mindetterdi ýaqytyly ári múltiksiz oryndalýyn qamtamasyz etý úshin birqatar jumystar atqarylyp jatyr.
«Búginde oblysta jalaqysy tómen jumysshylardyń eńbekaqylaryn kóterý úshin iri jáne orta kásiporyndardyń basshylarymen kelissózder júrgizilýde. Nátıjesinde, 2019 jyldyń qańtar aıynan bastap 6 kásiporynda 572 qyzmetkerdiń eńbek aqysyn kóterý josparlanyp otyr. Bul rette, olardyń ortasha aılyq eńbekaqysy 45270 teńgeden 55570 teńgege (13,2%) deıin ósetin bolady», - dedi N.Qordabaı.
Sonymen qatar, óńirimizdegi bıýdjettik mekemelerde jumys isteıtin 25196 qyzmetkerdiń eńbekaqysyn kóbeıtý úshin respýblıkalyq bıýdjetten transfertter bólý eseptemeleri kelisildi. Al, qoǵamdyq jumysqa tartylatyn 6400 az qamtylǵan azamattardyń qarjysyn ulǵaıtýǵa qosymsha qarajat izdestirý boıynsha jumystar júrgizilýde.
